Popular Bible Verses from युहन्ना 12

Share

ज़ै कुंण मेरअ च़ेल्लअ हणअ च़ाहे, सह लागै मुंह पिछ़ू हांढदअ; और ज़िधी हुंह आसा, तिधी हणअ मेरअ टैहलू बी। ज़ै कुंण मेरी सेऊआ करे; तेऊ भेटणअ बाप्पू परमेशरा का अदर।

ज़ुंण बी एऊ संसारा दी आपणैं प्राणा लै झ़ूरी करा, सह करा तेता बरैबाद। पर ज़ुंण एऊ संसारै आपणैं प्राणा का झ़ूरी नांईं करदअ, सह डाहा सदा रहणैं आल़ी ज़िन्दगी तैणीं तेता सभाल़ी।

हुंह खोज़ा तम्हां का सत्त कि ज़ेभै तैणीं गिंहूंओ दाणअ खेचै दी पल़ी करै नांईं मरदअ, तेभै तैणीं रहा सह एक्कै पर ज़ांऊं सह मरा, तेखअ लागा तेथ कई दाणैं।

“हुंह आसा आअ द एऊ संसारै प्रैशअ बणीं ताकि ज़ुंण मुंह दी विश्वास करे, सह न्हैरै दी नां रहे।

ज़ै कुंण मेरी गल्ला शूणीं करै नांईं मनें, तेऊ लै बी निं हुंह दोश लांदअ। किल्हैकि हुंह निं संसारे लोगा लै दोशा लांदअ आथी आअ द। पर हुंह आसा आअ द संसारा बच़ाऊंदअ।

तेखअ मल़अ मरिअमै आधअ सेर जटामांसीओ खुशबूदार किम्मती तेल ईशूए च़रणैं संघा टुशै आपणैं मुंडे शराल़ा करै ईशूए खूर, और तेले खुशबू भर्हुई सारै घरै और सारअ घर हुअ खुशबूदार।

तिन्नैं आणी खज़ूरे बूटा का डाल़ी चोल़ी। तेखअ नाठै ईशू सेटा लै शधाणूं, संघा लागै ज़ोरै-ज़ोरै बोलदै, (भज़न 118:25-26) “ज़ै-ज़ैकार, ज़ै-ज़ैकार, परमेशर दैआ इस्राएले राज़ै लै बर्गत ज़ुंण तेऊए नांओंऐं एछा।”

एसा बोलअ गल्ला शूणीं ईशू तिन्नां का, “सह बगत गअ एछी कि मुंह मणछे शोहरूओ गुणगान होए।