Popular Bible Verses from युहन्ना 14

Share

“हुंह दैंऊं तम्हां लै शांती, ज़िहअ संसारे लोग फिकर दैआ, तिहअ निं हुंह तम्हां लै दैंदअ, मुंह दैणीं तम्हां लै आपणीं शांती ताकि थारअ मनैं फिकर नां पल़े और नां डरे।

ईशू बोलअ तेऊ लै, “बात, सत्त और ज़िन्दगी आसा हुंह, मुंह बाझ़ी निं बाप्पू सेटा कोहै पुजी सकदअ।

“तम्हैं निं आपणैं मनैं हैल़अ करी, तम्हैं करा परमेशरो विश्वास, मुंह प्रैंदै बी डाहा विश्वास।

पर मज़त करनै आल़अ पबित्र आत्मां ज़ुंण बाप्पू मेरै नांओंए तम्हां सेटा लै छ़ाडणअ, तेऊ सखाऊंणी तम्हां का सोभै गल्ला और ज़ुंण गल्ला मंऐं आसा तम्हां का खोज़ी दी, तेऊ फरेऊणीं तिन्नां सोभी गल्ले तम्हां का आद।

ज़हा का मेरअ हुकम आसा, और ज़ुंण तिन्नां मना, सह ई डाहा मुंह संघै सच्च़ी झ़ूरी और तेऊ संघै डाहणीं मेरै बाप्पू बी झ़ूरी और मुंबी डाहणीं तेऊ संघै झ़ूरी और मुंह हणअ आप्पू तेऊ दी प्रगट।”

मुंह करनी आपणैं बाप्पू परमेशरा का अरज़ कि तम्हां लै छ़ाड एक होर मज़त करनै आल़अ, ज़ुंण कबल्लअ तम्हां संघै रहे। पबित्र आत्मां ज़हा परमेशरे बारै सत्त प्रगट करनअ। पबित्र आत्मां निं संसार मनी सकदअ। किल्हैकि सह निं तिन्नां का शुझणअ और नां ता तिंयां बछ़ैणदै आथी, सह आत्मां हणअ तम्हां दी और तम्हैं बछ़ैणा तेऊ और सह रहा तम्हां संघै।

ज़िहअ बी तम्हैं मेरै नांओंए मांगे, मुंह दैणअ तम्हां लै तिहअ ई, ताकि शोहरू करै बाप्पूओ प्रतप शुझिए। ज़ै तम्हैं मुखा मेरै नांओंऐं मांगे, सह हेरनअ मुंह तम्हां लै दैई।

“ज़ै तम्हैं मुंह संघै झ़ूरी डाहा, तै मनणी तम्हां मेरी गल्ला बी।

मेरै बाप्पूए घरै आसा रहणा लै बडी भारी ज़ैगा। ज़ै नांईं हंदी तै हेरनअ त मुंह तम्हां लै बोली। हुंह आसा च़ाल्लअ द तम्हां लै ज़ैगा बणांदअ डेऊई।

ज़ांऊं मुंह तम्हां लै ज़ैगा बणांईं हेरनी, तेखअ एछणअ मुंह बापस फिरी और तम्हैं बी निंणै मुंह आप्पू संघै ताकि ज़िधी हुंह रहूं तिधी तम्हैं बी तिधी रही सके।

थोमा बोलअ तेऊ लै, “हे प्रभू, हाम्हां का निं थोघै कि तूह किधा लै डेऊणअ, तैहा बातो थोघ किहअ करै च़ाल्लअ हाम्हां का लागी?”