Popular Bible Verses from मत्ती 15

Share

पर ज़ुंण खाखा का निखल़ा, सह निखल़ा मना का और तेता ई करै लागा मणछा छ़ोत। “किल्हैकि निक्की सोठ, हत्या, पराई बेटल़ी सेटा डेऊणअ, कंज़रैई, च़ोरी, झ़ुठी गवाही और निंदा निखल़ा मणछे मना का।

ज़ुंण खाखा दी भितरी डेओआ, तेता करै निं मणछा छ़ोत लागदी पर ज़ुंण मणछे मना का बागै निखल़ा, तेता करै लागा तेऊ छ़ोत।”

‘ईंयां लोग होठा का ता करा मेरअ अदर, पर इनो मन आसा मुखा दूर। ईंयां करा मेरी भगती थोघै बाझ़ी, किल्हैकि ईंयां सखाऊआ लोगा का मणछे बधान धर्में शिक्षा बणांईं करै।’”

एसा गल्ला शूणीं बोलअ ईशू तेसा लै, “हे ज़नानी, तेरअ विश्वास आसा पाक्कअ, ज़िहअ तूह च़ाहा ताल्है लोल़ी तिहअ ई हुअ” और तेसरी शोहरी हुई तेसा ई घल़ी राम्बल़ी।

पर सह आई तैबी और ईशू सेटा माथअ टेक्कअ और बोलअ, “हे प्रभू, मेरी मज़त कर।” तेऊ बोलअ तेसा लै इहअ, “अह निं ठीक हणअ कि ज़ुंण रोटी लान्हैं लै आसा डाही दी बणांईं तेता कुंण कुत्तै आजू शोटे।” (किल्हैकि यहूदी लोग समझ़ा तै आप्पू छ़ाडी होरी लोगा कुत्तै ज़िहै)। तेसा बोलअ ईशू लै इहअ, “हाँ प्रभू अह गल्ल आसा ठीक पर हे प्रभू; कुत्तै बी हआ लान्हैं खोल़ै शोटै दै ठोर म्हारा न्हैल़ै लागै दै।”