Popular Bible Verses from Yohanes 10

Share

Maling kuwi tekané mung arep nyolong lan matèni lan ngentèkké; Aku iki teka supaya wedus-wedus gèmbèl pada nduwé urip, lan uripé kuwi karo kalubèran.

Ya Aku iki pangon sing sejati. Pangon sing sejati kuwi ngetohké nyawané kanggo wedus-wedusé

Wedus-wedus-Ku pada ngrungokké swara-Ku, lan Aku kenal marang wedus-wedus-Ku lan wedus-wedus-Ku pada ngetutké Aku

uga pada Tak wènèhi urip langgeng, lan wedus-wedus-Ku mesti ora bakal pada nemu karusakan sak lawas-lawasé lan ora bakal ana wong sing ngrebut wedus-wedus kuwi sangka tangan-Ku.

Aku iki lawangé; sapa sing mlebuné metu sangka Aku, kuwi bakal dislametké, lan bakal mlebu lan metu, uga bakal nemu pangonan.

Aku iki pangon sing sejati lan Aku nitèni wedus-wedus-Ku lan wedus-wedus-Ku pada kenal marang Aku

Bapak-Ku sing ngekèkké wedus-wedus iki marang Aku, Panjenengané kuwi ngungkuli samubarang kabèh, lan ora ana wong sing bisa ngrebut wedus-wedus mau sangka tangané Bapak-Ku. Aku lan Bapak-Ku kuwi siji.”

kayadéné Bapak enggoné kenal marang Aku lan Aku kenal marang Bapak, lan Aku ngetohké nyawaku kanggo wedus-wedus-Ku.

Ora ana wong sijia waé sing ngrebut nyawa-Ku, nanging Tak lungké miturut karep-Ku déwé. Aku kwasa ngelungké lan kwasa njukuk menèh. Tembung iki sing Tak tampa sangka Bapak-Ku.”

Yésus terus ngomong menèh: “Sak temené Aku ngomong marang kowé: Ya Aku iki lawangé wedus-wedus gèmbèl kuwi.

nanging wong upahan sing duduk pangon lan duduk sing nduwé wedus-wedus kuwi déwé, ing wantyi weruh ana asu alasan teka, wedusé ditinggal mblayu, nganti asu alasan kuwi nubruk lan mbuyarké wedusé.

“Sak temené Aku ngomong marang kowé: Sapa sing mlebu kandangé wedus gèmbèl ora metu lawang, nanging mènèk témbok, kuwi maling lan rampok