Popular Bible Verses from John 19

Share

Malalà yonpa tùpo Jesus uya, “Eichilà nenukappàssan,” teppù. Molopai tùppai peimappù ya molopai iwelikùppù.

Sàlà tùpo Jesus uya tamù'nawolon wenukassak ittuppù màlà. Katù Maimu yau iwe'menukasak lùppù kasa iwekkuttoppe, “We'nakklipayaik,” teppù ya.

Tùsan yensak tùuya molo yau molopai tùnenupappù tù'nùn pe kulu tùnkupù wechi satippe mei pùla yau, Jesus uya tùsan pàk, “Nossan, pùsà yenkà emle,” teppù. Molopai tùnenupappù pàk, “Pùsà yenkà, asan,” teppù ya. Màlà motapai inenupappù uya ichan nùppù yalàppù tùwùk tak.

Tùse Jesus piyak tùuyàssak kon yau, iwelikkassak yepoloppù tok uya, màlàpàk ichi yamùk yakitukkappù tok uya pen. Tùse tewinan nà sousa yamùk tonpa uya Jesus yassokkappù iwolo yai tùpple ke molopai màlà yai mùn, tuna tawon wekkwamùppù.

Sàlà yamùk wekkupùppù màlà Katù Maimu yau iwe'menukasak kasa iwettoppe. “Tewin nà yàppù ikkwàtù pen màlà,” tawon. Molopai tu'ma Katù Maimu yau man, “Tok uya màlà yene mùkkàlà tùnassokkappù kon,” tawon.

Jesus utàppù tùpulusukù yalàppù ya tùyiwalà, Puppà Yàppù lùppù Patassek yak. (Hebrew maimu yau “Golgotha” itesek.)

Sousa yamùk uya àmà'nà kapùppù alok pe molopai tok uya itùlùppù ippai pona. Molopai tok uya ipontàppù tùtalilen pon yak.