Popular Bible Verses from Luke 5

Share

Tùuselupakapù tùpo, Simon pàk, “Kanau ichitokkakà miya lùiwa ikupai tuna kak, molopai àpunwe kon inonkatàk kon tuna kak molok yachi toppe ya,” teppù ya.

“Uyepulu, sa'man pe ina ne'wotokomai ewalupàttawà molopai ànù'là yachi ina uya pùn. Tùse wa te auya yau, punwe yamùk yeulanka uya sàlà,” tukaik Simon uya yeikuppù. Tok uya punwe yamùk yenu'mappù tuna kak molopai tukke kulu molok yamùk yachippù tok uya màlà uya tok punweyi kalakappù.

Tùse iitàpàtùppù tùkkenan pata yak àpùlemase.

“Wakù ton kappon yamùk kà'mase uyàssak pen sàlà, tok welattà toppe àli kuttok winàpai Katù winàkàik, tùse àli ton làkku,” tukaik.

Iwekkussak lùppù yensak tùuya yau, Simon Peter wenappù tese'mu yok Jesus yemloto po molopai, “Itàkà uwinàpai Uyepulu, masapùla Iulà mùkkàlà àli umakuyi yawon!” teppù ya.

Jesus uya tok maimu yeikuppù, “Kappon yamùk e'nek ton pen mùkyamlo ipittànài iche tùwessan pen, tùse e'nek ton neken,” tukaik.

Tok uya kanau yamùk pàlàkappù tuna yena pona, molopai tamù'nawolon nàmàppù tok uya molopai Jesus ya'là tok utàppù.

Tewin wei yattai Jesus wechippù pata yau kàyik welei pokon wettok imotau motau. Jesus yensak tùuya yau, iwàpàppù tenpata yok Jesus yemloto po, molopai ipawanattàppù ya, “Uyepulu, uyipittàpai ewechi yau, uyipittà nen auya!” tukaik. Jesus uya temyatù yenkappù molopai yapàtùppù ya, “Eyipittàpai wessaik, echipittàkà,” teppù ya. Màlà yattai kulu welei uchipittàppù.

Tùse Jesus yekale usetappù mailà eke peiwa molopai ilinà pe kappon yamùk uyàpùppù yetase, molopai echipittàse tepalan kon winàpai.