Popular Bible Verses from Matthew 18

Share

Masapùla asa'lon kon wapùla àsolùwawon kon wepilichak uyesek yau yattai, molo wechi màlà tok piyau,” teppù Jesus uya.

“Molopai tùulon yekama uya sàlà àpàkù'nokon. Yà'là yattai là amyamlo asa'lon kon uya eusenumenkatok kon konekasak àwàpùlematok kon ipona pe yau, iwekkupù màlà àponalok kon pe Ukàipùnù epùn pon winà.

Jesus uya mule kà'mappù màlà, molopai i'mùssakkappù ya tok yemloto po. Molopai, “Ailon kulu sàlà, ewemyakanmasak kon molopai mule yamùk kasa ewenasak kon pùla iwechi yau, ewewomù itepulu pe we'nàtok epùn po yak pen màlà.

Màlàpàk àssàmùla nai'nùk pùsàlà mule kasa wechi màlà eke pe kulu itepulu pe we'nàtok epùn po yau.

Molopai kappon pùsàlà yekkwa mule yanùnnài uyesek yau, uya uyanùmù màlà,” teppù Jesus uya.

“Màlàpàk uchi ailon kulu sàlà, yà'làlà ànnulunpakon non po nulunpa màlà epùn po. Màlà ananùmù kon non po yanùmù màlà epùn po.

Molopai Jesus uya, “Màlà kasaichi Ukàipùnù epùn pon uya tamù'nawàlà àkupù kon màlà, eyewan kon yapai àtonpa kon pàk eusentuppa kon pùla iwechi yau.”

“Tùse Ànù'là uya pùsamlo echikili ton ailon tawonnan upàk tonpa welattàtoppe uwinàpai ikupù yau, wakù peiwa nen iwechi màlà eke tàk yaulonsak i'mù pàk molopai icheulanka palau kak yau.

“Yà'là tukaik ken mesenumenkayatàu? Yà'là kupù ken kàyik 100 pan kon kalinilu yamùk itùkùn uya, tewinnà tok tonpa utassak yau? 99 pan kon nàmà ya wùk po màlà, iitassak kalinilu iwase.