Popular Bible Verses from Mark 4

Share

Jesus upakappù molopai iwà'mùssakkapù. Àsà pe assetun yekamappoppù ya. Molopai assetun weleutappù. Màlàyau chipachipa pàk, “Eichilà walà nechii,” teppù ya. Molopai chipachipa weleutappù. Tùtùi pe nen uchi. “Yà'là pe ichi iwechi pàk mettalipayatàu? Ailon tetok auya'nokon pùla lùppù ka' messatàu lù? ” teppù Jesus uya tok pàk.

Tùse tok wettalipappù kulu màlà, “Ànù'là ken uchi pùsàlà kàyik? Assetun nàichi palau là wettok imaimu yawàlà!” teppù tok uya tùyiwalà'nokon.

Tùse Jesus we'nùnsak wechippù kanau yaule yau tù'mùyeppà yessek po aittoupe. Tok uya yenpakappù. “Ina Yepulu, ina umata winàkàik là na' uchi iwechi tùse, ina pàk eusentupa pen màlà?” teppù tok uya Jesus pàk.

Eneta kon pàk esenumenkatàk kon, molopai enetappù kon ikuttàk kon! Àtonpa kon yeselu mùttuyatài'nàk kasa Katù uya nàlà eyeselu kon ittu, tùse àsà peiwa eyittu ya màlà.

“Sàlà kasaichi màlà Katù wechi itepulu pe, kàyik yà'làlà yenappà soloka yai'nàk tù'mà yak kasa. Ichapontà ewalupàttau, molopai iwe'wuluuka weinai tùnpàmàppù wenutta molopai iwatta tùse. Tùse yà'là kasa là iwatta, ittu ya pen kan màlà tà.

Yetatàk kon uchi, tùpana ke ewechi kon yau, yetatàk kon!