Popular Bible Verses from Xoán 1

Share

Pero a cantos a recibiron, —ós que cren no seu nome— déulle-lo poder de seren fillos de Deus.

No principio existía a Palabra, e a Palabra estaba onda Deus, e a Palabra era Deus.

A luz aluma na tebra, e a tebra non a deu apagado.

E a Palabra fíxose carne, e plantou entre nós a súa tenda, e nós vimos a súa gloria, gloria coma de Unixénito que vén do Pai, cheo de graza e de verdade.

Todo foi feito por ela, e sen ela non se fixo nada do que foi feito. Nela estaba a vida, e a vida era a luz dos homes

O outro día, vendo a Xesús, que viña cara a el, dixo: Velaí o Año de Deus, o que arrinca o pecado do mundo!

Ela estaba no mundo, e o mundo foi feito por ela, pero o mundo non a recoñeceu. Veu á súa propiedade, e os seus non a acolleron.

(A Palabra) era a verdadeira luz que aluma a todo home que vén a este mundo.

Pois a Lei deuse por medio de Moisés; a graza e a verdade realizáronse por Xesús Cristo.