Popular Bible Verses from Xoán 15

Share

Eu son a vide; vós os bacelos. Quen permanece en min e eu nel, ese leva froito abondoso, pois fóra de min non podedes facer nada.

Permanecede en min e eu en vós. Así como o ramo non pode levar froito pola súa conta, se non permanece na vide, vós tampouco, se non permanecedes en min.

Se permanecedes en min e as miñas palabras permanecen en vós, pedide o que queirades e hásevos facer.

Non me escollestes vós a min, senón que vos escollín eu a vós; e púxenvos para que vaiades e levedes froito e o voso froito permaneza; de xeito que todo o que lle pidades ó Pai no meu nome, volo conceda.

Ninguén ten amor meirande ca este: que un dea a súa vida polos amigos.

O bacelo que en min non leva froito, arríncao; e o que leva froito, límpao, para que leve máis froito aínda.

Este é o meu mandamento: que vos amedes uns a outros coma eu vos amei.

Nisto é glorificado meu Pai: en que levedes froito abondoso e vos mostredes coma discípulos meus.

Eu son a verdadeira vide, e meu Pai é o labrador.

Se alguén non permanece en min, é coma os ramos arrincados fóra, que secan; apáñanos, bótanos no lume e arden.

Díxenvos estas cousas, para que a miña alegría estea en vós, e a vosa alegría sexa plena.

Se gardades os meus mandamentos, permaneceredes no meu amor, coma eu gardei os mandamentos de meu Pai, e permanezo no seu amor.

Mándovos isto: que vos amedes uns a outros.

Se fósedes do mundo, o mundo amaríavos coma cousa propia; pero, como eu vos escollín do mundo, por iso o mundo aborrécevos.