Popular Bible Verses from Mateyu 5

Share

Chingana nkhuti ŵanthu ŵakozga limbuni ndi kuliŵika kusi ku mwesu cha, kweni pa chikolerunyali; ndipo liŵaliya wose ŵamu nyumba yo. Viyo ŵaliskani ukweru winu paurongo pa ŵanthu, mwakuti ŵawone nchitu zinu zamampha, ndi ŵakankhuske Auskemwe ŵakuchanya.

“Imwe mwe ukweru wa charu. Ungabisika cha muzi wakumangika pa phiri.

“Mbakutumbikika ŵakutowa mu mtima: pakuti iwo ŵawonenge Chiuta.

“Mbakutumbikika ŵakuvwa nja ndi nyota vya urunji: pakuti iwo ŵagutenge.

Kweni ine ndikuneniyani, Ŵanjeni wamawongu ŵinu, ndipo ŵarombiyeni ŵakuŵemba imwe

“Mbakutumbikika ŵasauchi mu mzimu, pakuti ngwawo ufumu wo wa kuchanya.

“Mbakutumbikika ŵakutata chimangu: pakuti iwo ŵazumbulikenge ŵana ŵaku Chiuta.

“Mbakutumbikika ŵakutenje, pakuti iwo ŵasanguruskikenge.

“Mbakutumbikika ŵakuŵembeka chifukwa cha urunji: pakuti ngwawo ufumu wo wa kuchanya.

“Mbakutumbikika ŵalisunga: pakuti iwo wachitikiyenge lisungu.

“Mwe ŵakutumbikika penipo ŵanthu ŵamtoza ndi kuŵemba imwe, ndipo ŵamnena chiheni chose paku imwe kwautesi, pa chifukwa chaku ine. Sangarukani ndi kondwani, pakuti mphotu yinu njikuru kuchanya; chifukwa wanguŵaŵemba viyo ŵamchimi ŵa paurongo pinu.

“Mbakutumbikika ŵakuzika: pakuti iwo ŵaharenge panupasi.

“Ndimwe mche wa panupasi: kweni asani mche wasukuruka, ndi chine ukacherekekanga? Kuti ngwanthazi so ku kanthu cha, kweni kutayika kubwaro ndi kupwatikapo ndi marundi gha ŵanthu.

Viyo muŵenge ŵarunji imwe, nge ndimo Auskemwe ŵakuchanya ŵaliri ŵarunji.

Kweni mazu ghinu pakurongoro ghaŵe, ‘Inya,’ pamwenga, ‘Awa’; ndipo ghakutaruliya kwaku yagha ngakutuwa ku mheni yo.

“Mwavwa kuti kunguneneka, ‘Jiso ku jiso, ndi jino ku jino.’ Kweni ine ndikuneniyani, Ungamikana nayo mheni cha. Ndipo yose yo wakupamantha pa dakama lako lamarghe, umung'anamuliye linyake nalo

Kweni asani jiso lako lamarghe litukuguŵiska, ulikorowo, ndi ulitaye; chifukwa nkhwamandulika kwaku iwe kuti chinangike chimoza cha viŵaru vyako, kwakuruska kuti litayike mu gehena liŵavu lako lizirima. Ndipo asani janja lako lamarghe litukuguŵiska, ulidumuwe ndi ulitaye: chifukwa nkhwamandulika kwaku iwe kuti chinangike chimoza cha viŵaru vyako, kwakuruska kuti litayike mu gehena liŵavu lako lizirima.