Popular Bible Verses from Matius 24

Share

Kong kajahatan yang orang biking mo lebe tatamba banya, karna itu banya orang so tara sayang lagi pa orang laeng. Tapi orang yang tetap percaya pa Kita sampe dia pe ahir hidup, Tuhan Allah mo kase slamat pa dia.

Kong nanti Kabar Bae tentang Tuhan Allah Berkuasa sebagai Raja akan tasiar di seluru dunia la samua suku dapa kesempatan untuk tarima Kabar Bae itu. Abis itu, baru dunia mo kiamat.”

Ngoni akan dengar ada prang di satu daera atau di tampa laeng. Tapi biar bagitu, jang ngoni tako. Samua itu musti jadi, tapi itu bolong dia pe waktu dunia mo kiamat.

Karna nanti, suku deng suku akan baku prang, deng satu kerajaan deng kerajaan laeng akan baku prang. Kong nanti ada lagi kelaparan deng tana goyang di mana-mana. Tapi samua itu baru dia pe awal penderitaan sebelum hari kiamat, itu sama deng penderitaan yang parampuang rasa waktu mo melahirkan.

Langit deng bumi mo abis, tapi Kita pe kata-kata akan tetap ada sampe slama-lamanya.”

Barang, banya orang akan datang pake Kita pe nama, deng dorang bilang bagini, ‘Kita ini suda Mesias, Raja yang Tuhan Allah janji mo kase slamat pa manusia!’ Tapi dorang itu cuma biking tipu banya orang la iko pa dorang.

Kong waktu itu, orang-orang yang tara percaya mo tangka pa ngoni, turus mo serakan untuk siksa deng bunu pa ngoni. Kong orang-orang dari samua suku bangsa akan binci pa ngoni karna ngoni iko pa Kita. Turus, banya orang yang percaya pa Kita so tara mo percaya lagi. Dorang mo baku binci deng serakan dong pe tamang la dapa siksa. Nanti ada banya orang yang datang, bilang kata, dorang itu nabi yang kase turus Tuhan Allah pe pasáng. Padahal dorang cuma tipu la banya orang so tara percaya lagi.

Yesus bilang pa dorang, “Ngoni bajaga-jaga e, jang sampe ngoni dapa tipu.

Bagitu lagi deng ngoni, ngoni musti salalu siap, karna Anak Manusia yang dari sorga akan datang ulang di waktu yang ngoni tara sangka-sangka.”

Karna itu, bajaga-jaga suda, karna ngoni tara tau tempo apa ngoni pe Tuhan mo datang.

Yesus bilang lagi, “Tarada satu orang yang tau tempo apa Anak Manusia yang dari sorga mo datang ulang. Malaekat-malaekat di sorga tara tau, Anak Manusia sandiri me tara tau, cuma Bapa di sorga saja yang tau.

Karna nanti ada banya orang datang bilang kata, dorang Mesias, atau bilang kata, dorang nabi yang kase turus Tuhan Allah pe pasáng. Deng dorang me biking mujizat-mujizat deng tanda-tanda yang kase tunju dong pe kuasa yang hebat, supaya orang percaya pa dorang kong jang percaya pa Tuhan yang butul lagi. Deng kalu bisa, dorang me mo biking sesat pa orang-orang yang Tuhan Allah so pili.

Barang, kalu Anak Manusia yang dari sorga datang ulang, itu sama deng waktu jaman nabi Nuh dulu. Waktu itu, dorang tara tau banjir basar mo datang, jadi dong hidup sama biasa, dong makang deng minum sama biasa, deng dong kawing sama biasa. Dorang pe hidup cuma babagitu turus sampe waktu nabi Nuh maso di kapal basar. Kong orang-orang itu tara tau banjir basar mo datang. Nanti dorang so tenggelam, baru dorang sadar. Sama deng bagitu lagi, nanti orang-orang tara siap waktu Anak Manusia yang dari sorga so datang ulang.