Popular Bible Verses from Matius 26

Share

Bajaga-jaga deng berdoa suda, supaya jang ngoni tagoda biking dosa, karna biar ngoni pe hati suka mo iko pa Kita, tapi ngoni pe badan tara mampo.”

Kong Dia bilang pa dong tiga, “Kita pe hati susa skali, rasa-rasa sama deng mo mati. Ngoni di sini dulu e, bajaga-jaga deng Kita turus.”

Abis itu Yesus bajalang ka sana sadiki, turus Dia berlutut sampe Dia pe muka kanal tana, kong Dia berdoa, “Ya Bapa, kalu bole, jang Kita dapa penderitaan ini. Tapi jang iko Kita pe mau, iko saja Bapa pe mau.”

Barang, ini Kita pe dara. Waktu Kita mati, Kita pe dara akan tatumpa untuk kase sah Tuhan Allah pe janji pa manusia. Kong Kita pe dara yang tatumpa itu untuk tebus banya orang pe dosa.

Waktu Yesus deng Dia pe murit-murit sementara makang, Yesus ambe roti kong bilang tarimakasi pa Tuhan Allah. Abis itu, Dia pela-pela roti itu kong Dia kase pa dorang, Dia bilang, “Roti ini Kita pe badan, ambe kong makang suda.”

Abis itu, Yesus ambe cawan kong bilang tarimakasi pa Tuhan Allah. Turus Dia kase pa dorang kong bilang, “Ngoni samua minum anggur dari cawan ini suda.

Abis berdoa, Yesus bale pa Dia pe murit tiga orang itu, kong Dia dapa lia dorang ada tasono. Turus Dia kase bangun pa dorang deng bilang pa Petrus, “Ee, ngana tara mampo batahang barang satu jam untuk bajaga-jaga deng Kita?

Dengar bae-bae yang Kita bilang pa ngoni e, dari sini ka sana, Kita so tara akan minum anggur lagi. Tapi nanti waktu Tuhan Allah so Berkuasa sebagai Raja pa Dia pe umat, baru Kita minum lagi anggur yang baru sama-sama deng ngoni.”

Kong Petrus dapa inga yang Yesus so perna bilang pa dia, sebelum ayam bakuku, dia so manyangkal tiga kali, bilang dia tara kanal pa Yesus. Petrus langsung kaluar kong manangis karna manyasal skali.

Badiri suda la torang pigi. Orang yang mo bahianat pa Kita so dekat.”

Kong Yesus bilang pa orang itu, “Kase maso ulang suda ngana pe parang itu! Karna tiap orang yang bunu orang deng parang, dia me mo mati deng parang.