Popular Bible Verses from Matius 28

Share

Karna itu, ngoni pigi suda kong biking samua bangsa jadi Kita pe murit. Ngoni baptis pa dorang dalam nama Bapa, Anak deng Roh Kudus. Kong ngoni ajar pa dorang supaya dorang biking samua parenta yang Kita so perna ajar pa ngoni. Ngoni inga bae-bae e, Kita salalu sama-sama deng ngoni turus sampe ahir jaman.”

Yesus badekat pa dorang kong bilang, “Kita so tarima samua kuasa di sorga deng di bumi.

Kong malaekat itu bilang pa parampuang-parampuang itu, “Jang ngoni tako! Kita tau ngoni cari pa Yesus yang dapa salib itu. Dia tara ada di sini. Dia so hidup ulang, sama deng yang Dia perna bilang dulu. Mari maso la lia tampa yang dorang taru Dia pe mayat.

Kong Yesus bilang pa dorang, “Jang tako. Ka sana kase tau pa Kita pe sudara-sudara yang percaya, bilang Kita so hidup ulang. Kong Kita mo kamuka ka sana di Galilea, di sana baru dong mo lia pa Kita.”

Turus imam-imam kapala deng tua-tua Yahudi bakumpul deng baku ator. Kong dorang sepakat kase doi tutu mulu yang banya skali pa tentara-tentara itu. Kong dorang bilang pa tentara-tentara itu, “Bagini: kalu orang tanya, ngoni bilang saja, ‘Malam-malam, waktu tong tasono, Yesus pe murit-murit pancuri Dia pe mayat.’ Kong kalu gubernur Pilatus dengar itu, jang ngoni tako, nanti torang yang bicara pa dia supaya ngoni tara dapa hukuman.” Abis itu, tentara-tentara ambe doi itu kong dorang biking sama deng yang ada suru pa dorang. Jadi sampe skarang, orang Yahudi jaga carita, Yesus pe murit-murit yang pancuri Yesus pe mayat.