Popular Bible Verses from Markus 6

Share

Tapi waktu itu orang yang datang deng yang pigi talalu banya, sampe Yesus deng Dia pe murit-murit so tarada kesempatan mo makang. Jadi Yesus bilang pa Dia pe murit-murit, “Mari suda torang pigi di tampa yang sunyi la torang bisa baistrahat sadiki!”

Kong Yesus bilang pa dorang bagini, “Memang butul, di mana saja, orang hargai pa nabi yang jaga kase turus Tuhan Allah pe pasáng. Tapi di dia pe kampong sandiri, di dia pe keluarga sandiri, deng di dia pe ruma sandiri, dorang tara tarima pa dia.”

Waktu Yesus turung dari parau, Dia lia pe banya skali orang ada tunggu pa Dia di situ. Dia rasa kasiang skali pa dorang, barang dorang sama deng domba yang tara gembala untuk jaga pa dorang. Di situ, Yesus mulai mangajar pa dorang tentang banya hal.

Di tampa itu, Yesus tara banya biking mujizat, barang orang-orang di situ tara percaya pa Dia. Dia cuma taru Dia pe tangan pa babarapa orang saki kong dong sembu. Dia herang, barang dorang tara percaya. Abis itu, Yesus bajalang mangajar dari kampong ka kampong.

Abis itu, Yesus ambe roti lima deng ikang dua itu, kong Dia mangada ka atas di langit kong bilang tarimakasi pa Tuhan Allah. Turus, Dia pela-pela roti, kong Dia kase pa murit-murit, la dorang kase bage-bage pa samua orang yang ada di situ. Bagitu lagi deng ikang dua itu, Dia kase bage-bage pa dorang samua. Dorang samua makang sampe kanyang. Pe abis makang, Yesus pe murit-murit kumpul roti deng ikang yang talebe, ada dua blas karanjang ponong.