Popular Bible Verses from Jone 12

Share

Vo oka zariani la nabuluputo aṉa ta o luluelo aṉa, tu voa aṉavo nabulu ta o elou aṉa sase sai aṉa a eloa koi. Ni aṉavo Mama ta o rauraevou vo vo ola nabuluputo ala aṉa,” kiolake.

Ako vo o roquekani o ṉaviko saevo ta vota o niumaeka inio voko saevo tovama saevo kale ama, melai vo o ṉamukani o ṉaviko saevo komia peuru ma peuru kale ama aṉako luluelo kale, ta o kovou noqola kama saevo.

Tuvevo avole aṉata a bazuemela me, vuiti ko sisu pui ko papailou miduku kale ni pui ko vouvou, ta omadeu pado sisu pala kobeta elou. Melai ko vouvou ta matu kubo sisu ko erekou.

Aṉata a queva peuru ma peuru ko zakaremu jari, tu vo o tuvevo puelo ala aṉa ta pui opa elou kutumana kale.

Kala vo o viqani aṉako bazubazu melai vo pui o zorikani ko, ta pui aṉa inio aba titizivou vo. Ako aṉata pui aba kuevi tu titizimole se maba poso sole, melai pakiemole se.

Ni Mere ta kopa koake ko sukasukati ama lumu matu tatabara kama ko uria tui ama nadi ka kikelako papapapa kale ko ereima, matu bulebule ama, ni ko raibikake Jisu ko kiti topi, ni kota kota va puqoekake koko rosi ama toukale. Ni koa lumu ko tui ta kokai zaroake koa pado ama pade ko poro.

So sole seta ke koake kama pamu ore ko dauko ni seta ke olake toraevole vo, ni ke vaelavelaoke ni eri kikelake, “Me ilusivo vo Baṉara, Baṉara ta mauru o ivou vo o kuevani voko ṉikale, vo Izireli ala Aikovakova!” kikelake.

Nio Jisu ta o tiorizatake ni eri kiolake, “Erisaṉa ta kota baroa ko taku aṉa maba a eveni lala ko tu aṉata a qovo ko raura kama ṉaṉaidara.