Popular Bible Verses from Jone 14

Share

“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo.

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Ni vo Jisu ta mata o bazuemake sea disaipeli madu, ni eri kiolake, “Meta pui duki ni tiṉoliṉoli kai elo ko quli aṉa lula a melati bazuekako quli. Meta vai kerumo vo Baṉara ni so jari meta lai kerumo aṉa.

Melai vo Tauvezato, vo Tabu ala Auvana, vo Mama o soroevo ala aṉako ṉikale, ta o melai nianiiekikou kiadama ko quli ni o melai kerukeruekou me kiadama ko quli ko aṉa lula a melai bazuekako me.

“Voa maba vo aṉako bazu poso okai nianiiani ni o zorikani ko, vo inio voa maba vo o roquelani aṉa. Ni aṉa melai a roquevou vo ni kasa a elou a ṉavi vokasi tu olai uria nianiiovou aṉa,” kiolake vo Jisu.

Nio aṉata a basevou vo Mama, ni vota o katimelou me kala pado Tauvezato, vo inio voa Tabu ala Auvana, vo kasa o ikani vo Baṉara ko tuveano, vo o elo ala mekasi latau ṉaniu ni ka ṉaniu. Komia peuru ma peuru kale amu ta pui ke ṉeamuva vo, ako seta pui ke vea ni pui kevai nianiia vo sole. Melai meta mevai nianiia vo, ako vota o eva me sase ni me melai me eva vo sase sole.

Ni ko quli meme baseko ama aṉako ṉikale, aṉata a mela erekou ko, tu vo Mama ta o ṉaṉaidara puilou vovo Meqora kale. Tuvevo avole, meta me basekou kama quli aṉako ṉikale inio aṉata a erekou ko.

“Meta me roquelou aṉa inio meta me zorikou koa aṉako bazu poso ko erekomo ka kiavema.

Ako aṉavo Mama ko pade kale ta mota kama mamazo ko zae sakoi, ko noqola kama, ni aṉata a zio tu aba inainaeko ka pado zae sai tu me kaqe. Pui so tea aṉata pui nio aba melai bazueko ko.

Nio aṉa lula a mela inainaekou koa zae Saita inio aṉata a vaitou ni aṉata a odiemelou ni a baroekimelou me a ṉavi kasi, tu meta me elou sai aṉa a eloa koi.

Melai Tomasi ta eri kiolake vokasi, “Lekasa, eṉeta pui ṉeqai nianiia sai ṉoṉo zio ka kiṉolakoi, sole noni kale inio eṉeta ṉeqai nianiiovou koa keve tu eṉeta ṉe barolou sai?”