Popular Bible Verses from Luke 19

Share

Ako aṉa maba a eveni lala ta a quevi vailimole ni pakiemole seke mumaivani,” kiolake.

“Baṉara ta mauru o ivou vo Lekasa vo o kuevani voko ṉikale! Bule ta ko elou aukale ala Baṉara ni maba ko tiania! Ilusivomo vo Baṉara!”

Nio Jisu ta eri kiolake vo ni sai ke evani kasi, “Pakio ta kokai baroa komia pade vairutu, ako nea maba melai kala pado vo Ebarahami ko vikuvikula kale ala sole.

Ni so keru Jisu o baroa keru koa zaekale, inio vota o tadatake, ni eri kiolake Zakiasi kasi, “Taukavo saqore Zakiasi, ako aṉata a elou ṉoko pade kale vairutu sole,” kiolake. Ni Zakiasi ta taukavole o saqorake ni vota o baroekivake vo Jisu voko matuma zoleilo sate.

Nio Zakiasi ta o lojoake ni eri kiolake Lekasa Jisu kasi, “Keatini, Lekasa! Kiadama aṉako lomaloma ta omuqa kobu a ikou ni omadeu kobu ta a qatimou se ozaoza kamu. Ni vo aṉa lipalipaito kale ada va kuilikeni voko quli ta ava besiekou ariku avole,” kiolake.

Nio kake se Parese madu seke eveni koa matuma vaki ko valuvalu ta eri kikelake Jisu kasi, ‘Tanala, ṉota bazuema ṉoko disaipeli madu tu ke moizailo!” kikelake. Nio Jisu ta o mati tiorikake se ni eri kiolake, “Aṉata a bazuemela me, ke moizailou se tea, ko lado poso ta kota tanito nio velavelao,” kiolake.