Popular Bible Verses from Maka 2

Share

Nio vo Jisu ta ota ma viqake se kikelani ni eri ma kiolake, “Se uria saevomu ta pui kevai zaria vo dokita, melai seke verepani nio kevai zariani vo. So jari nio aṉata pui a queva nokaemole se sidopu amu, melai aṉata a queva nokaemole se ruqe ama maba poso,” kiolake.

Nio vo Jisu ta ota mai nianiiake seko oqu, nio vota eri kiolake voa maba pui o roveani vezokato kasi, “Meqora! Noko sarueko poso ta kota ṉa akoiva,” kiolake.

Nio vo Jisu ta mata eri kiolake sekasi, “Vo maba kaqe inio vo Baṉara ta o ereke ko Sabati, melai pui Sabati kio raura kama maba kasi azo.

Melai matu kubo maba ke padoivani sai, sole seta pui ke roveake vati zio nea maba Jisu kasi. Sole seta ke vati koitake vo kabu topi Jisu ko ijatinia ni ke puraekake ko kabu ni ke soloevake vo o kobo sase Jisu ko tanama kale.

Sole aṉata kasa a mela elou me, aṉa maba a eveni lala ta pizato salala komia peuru ma peuru kale tu a akoekou maba ko sarueko poso,” kiolake. Nio vo Jisu ta eri kiolake voa pui o roveani vezokato maba kasi, “Ṉota loje ni lokieka ṉoko kobo ni ola ṉo bade kasi!” kiolake.

Maba pui tapata tu eri kio, vo pui o vezokatani maba kasi, ‘Ṉoko sarueko poso ta kota ṉa akoiva,’ ako meta pui me qea voko sarueko ta kota va akoiva kio ma pui. Melai matu tapata ikio tu eri kio, ‘Loje ni borika ṉo qobo tu tali,’ kio, ako mea kiada mela ta me qelou ta vota o lojoa kio ma pui sole.

Nio so keru se kebe vea keru, inio voa maba ta ota lojoake, ni o lokiekake o kobo, ni ota olake. Nio sea kiadamu ta aqasiele keta evake ni ke ilusivake vo Baṉara, ni eri kikelake, “Lulavo azo ti pui me qeani eri jari ama quli,” kikelake.