Popular Bible Verses from Génesis 11

Share

Tä fa dalalöfälönö, abinaja Jeobaa a cuu co̦joloma. —¿Ö̦jö tawä? Moli bä li cudeenö, moli caficö a̦ ja bä a̦ li wayomayou cudeenö, bä jäomi waiquiwä. Bä a̦ fa ji̦liayonö, cama bä cuaaö bufi lä doblao wei tä ja, bä nö nia ca̦i wa̦lojaö fe yadio. Bei. Bämacö itou da co̦fälö. Bäma bä caficö a̦ fa shomiblamalönö, bä a̦ ji̦liayou mladobä —Jeobaa a cuma.

Abinaja bä cuu nomöjöoma. —Bei. Eja bämacö bälödiobä, yafi bluca bäma bä da ta. Yafi ösöwä dodijiwä bäma a ca̦i i̦tamaö showadaobä. Judu mösö jamö, a yafi ola fe wädöodayobä. Bämacö nö wa̦lojoablalou dodijio ja, bämacö a̦fa wayoamou blaucobä. Jödödöwä tä ulifi jamö, bämacö shelelou dicoo mlaobä —bä cuma.

Ö̦jamö lä Jeobaanö jödödöwä bä lä bälöono wei, bä caficö a̦ bluca shomiblamalema yalo, Babele tä ulifi a̦fa jilaa showadaquemaje. Ö̦jamö culanö, Jeobaanö bä bluca shedequeamabodayoma.

Jaba däjä, täbä jödödöwä lä bälöjono wei täbä lä cui, moli caficö a̦ showawä ja, täbä a̦ faö balöoma. Ai täbä a̦ shomionomi.

Bä lä yafimono wei jamö, Jeobaanö bä yafibö möbä a itolayoma. Yafi ösöwä a ca̦i nia fa möönö, yanowamö täbä nija a waloqueyoluma.

¿Ö̦jö tawä? Jeobaa a lä cuinö, inaja showawä bä caficö a̦ fa tablamalönö, yafi bluca bä nia ma i̦tamano wejei ma cui, bä waiquidou showalayoma. Ö̦jamö culanö bä fa shedequeblalunö, jödödöwä tä ulifi jamö bä bälöjöolaliyoma.