Popular Bible Verses from Génesis 18

Share

Camiyä Jeobaa yale doblamaö mlaobä tä cuami. Obi, ei a belibo cublou co̦o däjä, bäfä fe waloo co̦o weicätä. Ya wa̦ nö wäo malä waiquiofe. Ö̦jö däjä, Saranö bei ijilubö e nia tabou —a cuma.

A suwäbada waiquioma yalo, bei bufi jamö a i̦cablalou ja̦tooma. “Inaja ya cublou mlaicätä”, a bufi cudaliyoma. “Ya wa̦lidio waiquio däjä, iba wa̦lo a wa̦lobada ma waiquii, ¿wedi tä tabä yafäcö li möyou cuquei?”, a bufi cuma.

Cama ebä fa blucablalunö, bä nia bälöjou lojodoo malä yaiblamou wei. Bluca bä lä yaiblai, cama nija bä nia bayeliblamou fe malä dolemou wei.

Ö̦jö däjä, Ablaamö a icua fa ajedeicunö, a wa̦lii cadidioma. —Bä doblou lä mlai wa bä waicaö däjä, ai bä lä dodijaö wei, ¿wa bä mö ca̦i watäblaö showao mö feduobä tawä? Sodomateli bä nija bä lä dodijaö wei, 50 bä bluca coyocoa ja̦toa bäa fa cule. Inaja bä bluca cua ja, ¿wa bä nofi bluca asibobä tawä? Inaja bä bluca ma cule ma cui, ¿wa bä mö bluca jödödöwä watäblaö showaobä tawä?

Jeobaa a wa̦ julayoma. —Sodomateli bä nija, bä lä dodijaö wei, 50 ya bä coyocoa dablaö ja, ö̦jamö lä ya bä nofi bluca asiblalei. Bä lä dodijaö wei bä coyocoa ja, ö̦jö täbä nowa ja, ya bufi läo weicätä —a cuma.