Popular Bible Verses from Lucas 10

Share

¿Ö̦jö tawä? Wamacö nö wa̦lojabä, bämacö tablamaö waiquilayoma. Olu wama bä ma cadädäablaö wei ma cui, sufi wama bä ma cadädäablaö wei ma cui, wamacö nö nia bleaaimi. A nö lä nabämou wei a fecula bada lä cui, ö̦jö a ma ishou däjä ma cui, wamacö nö nia wa̦lojaö fe yadio. Ai tä bädawä ma cui ja, wamacö nia famiimi.

Ö̦jö ma cui, abinaja Bada tänö a nowa tama. —Ami, Marta. Wa bufi nofi jushublaa dicoa. Bluca täbä ja wa yabäcäablalou dicoa. Tä yai lä dodijidai, moli tä cua. Maríanö ö̦jö tä yaia waiquilema. Ya wa̦ nia lämoimi —a cuma.

Abinaja e cuu mö feduoma. —Abinaja tä a̦ oni cuu. Bada wama tä yai nia nofimaö, cafä wamacö nija a bufiblamobä a lä cui. Bufi jaduculanö wama a nia nofimaö, bei wamacö bufi yainö. Wamacö bufi lä cuaablalou wei tä ma cuinö, wamacö nö lä wa̦lojoablalou wei tä ma cuinö, wama a nia ca̦i nofimaö fe balojoo. Aifä bä ma cui, cafä wamacö nofi jo̦lio lä culenaja, inaja showawä aifä wama bä nofi tabolanö, wama bä nia ca̦i nofimaö. ’Einaja tä a̦ oni cuu —Jesús nija a cuma.

Ö̦jö däjä, ö̦jö bä nija abinaja a cuu yaclämoma. —Wale nia lä bufiblaö wejei bä bluca cublawä. Nii bä tamobä bä bada lä waiquiinaja bä cuwä ma cui, bä nii nia lä taö wejei, bä bolacami dicowä. Wale nofi mölabobeje, ¿wedi bänö bä nia li yömölaöje? Yai Bada tä nija bä a̦ da fa, ö̦jö lä. Cama etäca ficali lä cule, a Bada lä cui nija wamacö a̦ fa fanö, bä ojodamobä ö̦jönö bä yai shömabä.

’Ja̦o —a cuma—. Fei däjä ¿cafä wedinaja wa bufi cuu? Tomömolewä bänö a nabä fa queicujenö, a famimalemaje. A jalili blaobä jamö 3 bä waloa jequema. ¿Wedi jamö a lä cuinö a nofi yai tadalema? —Jesús a cuma. —A nofi lä ojodadaleno wei a lä cuinö —a cuma. —Inaja cafä wa ca̦i cuaaö mö feduobä —Jesúsnö a nowa tama.

’Bei —a cuma—. Bä da alufälö. Bämacö shömaö lä cule. Ji̦ima bä waiteli lä läle jamö, oweja bä ocalo shäablamou si ijejewä lä cuo weinaja, wamacö nia cuo.