Popular Bible Verses from Lucas 5

Share

Bä yömölaö fa waiconö, Simón nija a wa̦ fama. —Wamacö befi ca̦i fa caläläfälönö, u o̦coobä ja, bä befi ca̦i da ca̦icu. Ö̦jamö walalawä täbä da quemabalöje, yuli wama bä ya̦caabä —a cuma.

Simón abinaja a cuu mö feduoma. —Bada tä. Yuli yama bä nia fa ya̦caanö, yamacö juu fe jaluma ma cui, yamacö nö bleaaö fe jaluma. Moli yama a ya̦caö buonomi. Ö̦jö ma cui, inaja cafä wa cuu ja, ya täbä nia walalawä queamaö co̦o —a Simón cuma. Jesús a lä cuno weinaja bä fa cuaanö, walalawä täbä jamö bä yuli bluca fa ya̦calöjenö, yuli bä judenö täbä jädödou nö quiliama. Täbä jädödou waiquia ja

Ö̦jö ma cui, ulifi bloque jamö Jesús a fa jublaanö, Yai Bada nija a nö bayeli nacaodima.

Bä dodijidawä lä jömöo wei ya bä nabä juno malä mlai. Wa̦lidiwä talewä ya bä nabä yai li juma, wa̦lidiwä tä ja, bä bufi lädobä —bä nowa tama.

Simón Pedro a lä cuinö, yuli bä bluca lä ya̦calöfe tä fa dalalönö, Jesús cotä jamö a quilili diyäliquema. A fa diyäliicunö, e a̦ fama. —Bada tä. Camiyä nija a ajedo dijä. Ya doblou malä mlai —a cuma.

Jesús a wa̦ juo ja, abinaja bä nowa taö ja̦looma. —Bä jalobä, bä lä demi wei bä icuo malä mlai. Bä lä jalili wei bä nia shino yai icuo. ¿Ö̦jö tawä?

Bä befi ca̦i fa washölöicunö, mau u casö jamö, canawä ecöbö shailemaje. Ö̦jö däjä, cama etäbä bluca daa fa showadacöfälöjenö, Jesús nijamö bä yaua showadalayoma.

Ai täbä shabonobö jamö Jesús a cuo däjä, täbä sicö lä jodemaö wei tä wayunö a nö lä bleaano wei a jalili waloquema. Sicö bluca jodeoma. Jesús a fa dalaliyonö, mashita jamö a möfe deialiyoma. A möfe deilanö, a nofi nia ojode fa tablamonö, a wa̦ fama. —Bada tä. Wale bayeliblaö ojode ja, wale jalomaö dao, ya dodijidablou co̦obä —a cuma. Jesús boco fa dododalunö, a jubädalema. Abinaja e cuma. —Ya ojode lä. A da jalolu, ö̦jö lä, wa dodijidablou co̦obä —e cuma. Sicö lä jodeono wei etä wayu mladou showadalayoma.

Ö̦jö ma cui, Jesús a wa̦fa yai wäyäö balaa fa showadaalujenö, Jesús nija bluca bä co̦camoblaayoluma. A wa̦ ji̦liaö bufi doblaomaje. Bä lä jalili wei bä ca̦i jalomamou bufi doblaoma.