Popular Bible Verses from Marcos 14

Share

Cafänö wa tä bluca taö daö malä cui. ¡Fabe! —a cuma—. ¡Fabemi! Wale nö nia lä bleaamaö wejei, ¡tä yai da blajamalö! Ö̦jö ma cui, wa tä nö blajamabimi waiquiwä ja, ö̦jö waiquiwä. Camiyä ya cuaaö bufi lä doblao weinaja mlai, cafänö wale taamaö bufi lä doblao weinaja wale da taama —a cuma.

Bä nö shino da daicu. Yai Bada nija bä nö ca̦i bayeli da nacao, Sadanasinö wamacö yabäcäblaö däjä, wama a wa̦ juaö yacläo dicoo mlaobä. Wamacö cadidou bufi ma doblao wei ma cui, wamacö ujuduu si ijejewä waiquiwä—Jesús e cuma.

Cafä wamacö nija ei ya wa̦ lä cui, bejedi lä ya wa̦. Jödödöwä tä jamö ma cui, iba dodijidawä tä a̦ wäyämamou cuaabä jamö, ei a suwänö wale fe lä löblalöfe tä a̦fa nia ca̦i wäyämamou cuaaö mö feduo, a lä dodijano wei, tä nofi jaducubou nodiablalobeje —bä nowa tama.

Abinaja e cuma. —Bufi jalujou tänö jai ya nö nomaa showadalayobö, ya bufi cuaaö dicoa lä cuimadi. Eja bä jilaa da jeicu. Bä nö da daicu —bä nowa tama.

Bä iyaö showao däjä, nii a fa dälänö, Yai Bada nija a bufi a̦fa doblalou wäyämoma. Ö̦jö däjä, a fa joyolalönö, cama ebä nija bä jöbäö cuaama. Bä jöbödalanö abinaja e cuma. —Ei nii a da dälöje. Ei nii a lä cui, camiyä ei bei ya ya̦ji nö owä —e cuma.

Ö̦jö däjä ji̦shima a ja, nashiwä toubä befi ca̦i däa nomöjölema. Yai Bada nija a bufi a̦fa doblalou wäyämou fa balöonö, cama ebä nija toubä befi ca̦i fa jöböcönö, cama ebä blucanö toubä codaö cuaamaje. Ö̦jö däjä abinaja bä nowa tama. —Yai Bada tänö tä a̦fa lä wäqueno wei tä a̦ bejedi cublobä, ö̦jö bei lä ya i̦yäbö nö owä. Bluca täbä bayeliblamobä, ya i̦yäbö läblalio.

Abinaja Jesúsnö bä nowa tafälöma. —Wamacö bluca fa quililalunö yamale nia daa dicoquei. ¿Ö̦jö tawä? Abinaja Yai Bada etä a̦ oni malä cuu wei. Oweja bä ca̦i lä cule a lä cui, ö̦jö ya fa shämalönö, cama ebä nia sheleleblamodayou. ’Einaja tä a̦ oni cuu.

¿Ö̦jö tawä? Bei. Bä da jocäcädalu. ¡Bämacö da jufälö! ¡Quiji, quiji, tä da möje! Wale nia lä nomojoliaö weinö wale nabä juu waiquia lä cuimi —bä nowa tama.

Jesúsnö abinaja a nowa tama. —Cafä nija ei ya wa̦ lä cui, bejedi lä ya wa̦. Ei tä didi showawä ja, cadala a wa̦ faö showao mlao däjä, cafänö 3 wale nofi nia jole jole mojodubou cuo —a cuma.