Popular Bible Verses from MATEO 28

Share

Yääje yeijäcä ojoncomo. Soto owaanomaatantäcä tameedä jata weichö wa’cä. Wautisaaje tödöötäcä’de Jaaja eetö joi, Iiñedö eetö joi mmaja, Epíiditu Santo eetö joi mmaja. Owaanomaatäcä’de tameedä äwwäiñe manaanontätäänedö tödöödö jäcä. Öwö ajaadäiñe wa’de yeichöödäje, anooto wataamedö jonaane; quee cönä’döaacä Jesuuquidiito. Amén.

Yaawä Jesuuquidiito yöiñaiñe jeene cöneejä; cöna’deuwöi chäwwäiñe; cönä’döaacä: —Tameedä tödöötojo öwwä tu’e na, caju ña mmaja, edä nono de’wä mmaja.

Yaawä amoode cöna’deuwöi ñanno wodiiñamo wwäiñe; cönä’döaacä: —Määcatoncatäi. Yoowanääcä na Jesuuquidiito ujiiyö äwwäiñe, ñäädä cuduusa jäcä yaatajoijojo’jödö. A’que na sadä; töwaadonca na, äwwäiñe cönääcammaichöje dea. Eneetantäcä’ma chääquejöödö iiñödööcomo wei’jödö.

Yaawä Jesuuquidiito cönä’döaacä: —Tösaade’da eichäcä. Jimmä wwäiñe ecammajä’tantäcä, Caadideea ña täiyeto; iiña yeeneaato’de; quee cönä’döaacä.

Ñanno cöne’jummaicho yaawä inchoncomo jadä; jooje jödaata cuntuicho suddaucoomo wwäiñe; cönä’döa’to: —Edääje soto wwäiñe ecammajä’täcä’de: “Ñoowanoomadö cöneejoto coijai; chääquejöödö cöneememmecöicho, ñaa wönö’taame;” quee caichäcä’de. Acu’shänä owaanäcä yä’döa’jäcä ñaa nemuunä’a’de mma’ne, äjääcäiñe cone’da yeichö queiñe; quee cönä’döa’to ñanno inchoncomo suddau wwäiñe. Ñanno suddau yää jödaata cönnöicho, töwäätuuja’jocoomo nönge dea töneecammajä’e cönä’ja’to yaawä. Yää wätunnä töneecammajä’e dea weneeneto judhíocoomo, eduuwa anooto naadö jona tödööene.