Popular Bible Verses from Pomulanya 13

Share

Apa samparia tana to nukita ngkorom etu daKuwaika resi korom pasi resi wiyaamu rataka ri singkasaenya.

Wali ojo karoonya i Lot maga’a pei i Abram etu, i Pue Yawe mampogomboka wo’u i Abram. Ia mamparajanjika i Abram, to’oNya, “Lo’aka jukunjo yako ri tampa to nupokore etu. Lo’aka njo’u tondo utara pasi tondo selatan, pasi njo’u tondo mata nu eo pasi tondo kasoyo nu eo.

Pasi Aku damangika see wiyaamu damalagi kojo, raporapaka ewa awu ntana. Wali ane awu ntana, taa nakoto ntau mangabilang kalaginya, wali ewa see kalagi mbiyaamu ri tempo to darata.

Wali see naka i Abram manganto’oka i Lot, to’onya, “Kita dua maja’i, wali taa masipato ane kita matingka pasi taa seja masipato ane to pangkampang binatang ngkita matingka.

Wali yako etu i Abram pasi joanya mangalimba tenda nsira. Sira mampiyaika tampa etu pei malinja njo’u lipu to mosu ri kaju poli to malagi to i Mamre puenya. Kaju poli etu mosu ri kota Hebron. Wali sira mangawangu muni tendanya damaroo nja’u ria. Pasi nja’u ria i Abram mangawangu wo’u palampa watu darapake mampue mampakabae i Pue Yawe.

Wali ojo panto’o i Abram gombo etu, i Lot mansaka mangalo’aka pei mangkita samparia tana ri lemba Yordan ungka ri kota Soar. Tana etu maboko apa gana kojo ue. Kaboko ntana etu ewa kaboko ntana ri bonde to naikaka i mPue Yawe i Adam sira dua i Hawa nja’u Eden tempo owi, pasi ewa lemba nue Nil ri tana Mesir. Wali magaya pu’u tana etu. Pasi tempo etu tiroowa re’e kota Sodom pei Gomora nja’u ria apa tawa napakaja’aka yau i mPue Yawe.