Popular Bible Verses from Yohanes 2

Share

Wali tempo i Yesu mampapowali ue mawali tule anggur nja’u kota Kana ri propinsi Galilea etu, etu semo palaong to taa rapobiasa to uyunya kojo naika i Yesu. Wali yako palaong to etu re’e tau to mangkita kuasaNya, see naka sira mangansani Ia masipato rabarong. Wali yako etu maroso wo’u pangaya mami to anaguruNya resi Ia.

Pei i Yesu manganto’oka ia, “Indo, to tao-tao komi ne’e mamporentangika Aku ewa wimba palaong to Aku damangika. Apa tawa rata temponya Aku damampaponsanika resi tau mangkonong kuasangKu.”

Wali i Yesu manganto’oka to papolaong ntau pue banua, to’oNya, “Banangika ue la’u raya ntampa nue etu.” Wali sira mangabanang tampa nue etu naka buke. Roo see i Yesu manganto’oka sira, “Oko sangkodi ue etu pei kenika tau to mampasilonga roa si’i.” Wali sira mangkenika tau to mampasilonga roa etu ue.

Wali i Yesu mangansono sira, Ia mangaligi sira, to’oNya, “Pukanaka yau banua i mPue Allah si’i, panewa ri rayanya togo mbengi Aku damangawangu muni.”

Wali Ia mangoko kiyoro pei mangika sampar, roo see Ia mangarubak samparia sira yako ri tongonata banua i mPue Allah. Sakowa domba pasi sapi Ia mangarubak seja. Panewa roo see Ia mampuka-mpukanaka meja ntau to mangabolos doi see naka doi nsira tarente yau ngkewanyamo. Pasi Ia manganto’oka tau to mampobalu tagou, to’oNya, “Keni yau tagou etu! Ne’e mangampake banua mPa’angKu si’i mawali pasar!”