Popular Bible Verses from Yohanes 5

Share

“Aku manganto’oka komi, monso pu’u i sema tau to mampodongeka gombongKu pasi mangaya Ia to nampokau Aku, tau etu re’e katuwu to singkasaenya, wali ia tamo darahuku. Apa ia tamo re’e ri jaya to mangarata kapate pei ia re’emo ri jaya to mangarata katuwu.

Wali i Yesu yau ri awe nu limbo etu pei mangkita ngkai etu maturu-turu nja’u ria. I Yesu Ia mangansani ngkai etu masaemo ia masaki wali see naka Ia mampotanaka resi ngkai etu, Ia manganto’o, “Wimba, korom bara rani rapakatao muni?”

“Wali komi madota kojo maguru tuntu i mPue Allah, apa komi mampobuuka ane maguru tuntu i mPue Allah komi damangarata katuwu to singkasaenya. Wali tuntu i mPue Allah to nupoguru ngkomi etu, tuntu etu mampakanasa mangkonong Aku. Pei komi taa mangaya gombo to ratulis mangkonong Aku etu. Komi bo’omu mangalulu Aku, see naka komi taa mangarata katuwu to singkasaenya.”

Wali i Yesu manganto’oka ia, “Pambangumo! Pei oko alimu pei palinja.” Wali ngkai etu mansaka rapakatao muni. Ia mambangu pei mangoko alinya pei malinja. Wali palaong to etu mawali kono ri Eo Rapandoo.

Wali i Yesu manganto’oka to Yahudi etu, “Aku manganto’oka komi, monso pu’u Aku, Ana i mPue Allah, taa maya mangika bara kesaa ane ojo yako pamporani to si Aku. Pei ewa naika nu ana kodi mangalo’a pa’anya mangika palaonginya roo see ana etu mangika seja palaong sewaju ewa pa’anya etu, ewa see seja Aku. Wali ojo palaong to Aku mangangkita Pa’angKu mangika, palaong to etu semo to Aku maya mangika.