Popular Bible Verses from Jon 10

Share

Valeke sikosiko, i lama go tina siko, vae vale basoe mana vari vasasakata go. Do era qa lama, go tamuna pala too ogoto, too dena i purake topuna pata velaka ro.

Era to qa valeke miasoka sipi velaka, mana qa mao tuna le ne qira sipi ro era go.

Sipi ro era, iri gata seko ro era, era qa rove qira, mana iri luluava go

mana qa teke ne qira too iki rove go kaega lupo, mana tariniki ara le kaega go, mana kaega ka basoe tina mazala go pala vakuziki qirae karisiqu era.

Era to qa siporaṉa ne, ka basoe igoe me de qa koego era, God tina vakavele ia, basoe nae tina mazala keba me mana siporo napu, tina soba osina pataro i soko go, gere qira sipi ro ne.

Era to qa valeke miasoka sipi velaka. Era qa rove qira sipi ro era, gerena Mamae irove velaka ava era, mana sipi ro era iri rove ava era, gere era qa rove velake Mamae. Mana qa mao tuna le ne qira sipi ro era go.

Ria i teke nava go Mamae, iri sivala neto osina ro pata, mana kaega ka basoe tina mazala go pala vakuziki ne qirae karisina Mamae. Tanego raru Mamae, qaru kameka so.”

Era to qa valeke miasoka sipi velaka. Era qa rove qira sipi ro era, gerena Mamae irove velaka ava era, mana sipi ro era iri rove ava era, gere era qa rove velake Mamae. Mana qa mao tuna le ne qira sipi ro era go.

Kaega ka basoe i mazala go vae vale ava ṉalu tuki va mao go kaega. Do qa toqe ne tanuqu mara vae vale ava. Era i ko nava karaputa tu vamao go vae vale na too era, mana i ko nava karaputa tuna too ule napu me tepa le ne. Iato dena pata i sine nava go era Mamae tuna zazu nego.”

Iago Jesu i sine napu ne qira, igo, “Masine ne qamu to pataogoto, era to qa siporaṉa ria sipi ro.

Ṉalu kaki basoe zazu iri volia so, sauna miasoka na sipi ro ne, ṉalu sika piru ro iri lama, ia tina paqa kasi ne qira sipi ro nae, mana sika piru ro tarina lama pala mana vae vale kakiaro sipi ro, tanego basoe nae iki toṉove kaega mana ki rove kaega de go miasoka na sipi ro.

Gonae Jesu sine napua igo de, “Ma sine ne qamu pata ogoto, basoe iki keba ego kaega siporaṉa na bara ria sipi ro ne, do i kebae so kaki dia, basoe nae i sikosiko mana i vasasakata ne qira sipi ro go.