Popular Bible Verses from Génesis 18

Share

¿Yʉhʉre mijo yʉhdʉa, yʉ yoa masieraa baro jijari? Mipʉ tari cʉhmai, nueve sʉ̃ri baharo, pari turi mʉsare ñʉi taihtja tjoa. Tí pjai Sara cʉ̃iro nijinocã mʉnocãre pohna tirohca —ni yahu quihõha Abrahãre.

To ã nichʉ tʉhoro, to yajeripohnapʉ õ sehe ni tʉhotuha: “¿Mipʉbehta dohse yoa yʉ pohna ti duaro seheta wahabocari? Yʉ manʉ, yʉhʉ cʉ̃hʉ sã bʉcʉna jija” ni, bʉjʉ tʉhotuha.

Yʉhʉ õ sehe ni yahu tuhsʉhi tirore: ‘Mʉhʉre noano wahachʉ yoaihtja. Tí yʉ noano wahachʉ yoaa mehne mʉhʉ sehe painapʉre, jipihtina masa curuaripe macainare noano waha turiachʉ yoahtiro cjihto jira mʉhʉ. Mʉ panamana cjihtire payʉ wahachʉ yoaihtja. Ã yoa tuari curua, ti ñʉ tuhtiinare cahma wajã yʉhdʉrʉca mʉjari curua cʉ̃hʉ jichʉ yoaihtja tinare’ ni, yahu tuhsʉi tirore.

To tjuarʉcʉ sʉchʉ ñʉno, Abrahã sehe to cahacãpʉ sʉ, õ sehe ni sinitu ñʉha: —¿Tópʉre noaina tina ñaina watoi ti more suhuro jichʉ, tina noaina cʉ̃hʉre wajãnocaihcari mʉhʉ? Pa tehe cinquenta masa noaina ñaina watoi jiboca tí macare. ¿Ã jipachʉta, tí macare cohãnocaihcari mʉhʉ, tina cinquenta masa noaina ti jipachʉta? ¿Pja ñʉerabocari mʉhʉ tinare?

To ã nichʉ, Yawe õ sehe ni yʉhtiha: —Cinquenta masa buhiri marieina tí macai jichʉ, tinare, “Wajãri” nicʉ, jipihtina Sodoma macainare wajãsi —niha.