Popular Bible Verses from Génesis 2

Share

à jiro mipʉ cʉ̃hʉre mʉno to pʉcʉsʉma mehne ji, wijaaro, to namono mehne jirohca. à jia tina pʉaro jipahta, cʉ̃iro yoaro sehe jiahca.

Ni tuhsʉ, tiro to basi õ sehe ni tʉhotuha: “Ahrirore cʉ̃irocã waro to jichʉ, noaerara. Ã jii cʉ̃coro to yoaro seheta jia tihticoro, to piti tihticoro cjihtore dahreihtja” ni, tʉhotuha.

à yoa Cohamacʉ Yawe mʉnore dihta mehne bajuamehneha. Bajuamehne tuhsʉ, to quẽ coparipʉ putiroca sõha, tirore catiro waro taro. To ã yoachʉ, tiro mʉno cati dʉcaha.

Ticorore ñʉno, wahchero mehne Cohamacʉre õ sehe niha: —¡Ahricoro pini yʉ dihi mehneta, yʉ cohã mehneta yoaricoro jira. Ã yoaro “numino” wama tirohca, mʉhʉ yʉhʉreta mʉ naricoro jiro! —niha. (“Numino” nino, “mʉnore nahre” nino nica hebreo masa ya dʉsero mehne)

To sori dacho jichʉ ñʉno, tí dachore tiro noano tʉhotuha. Tuhsʉ, tí dachore: —Paye dachori bui jiri dacho jijaro —ni cũha tiro.

à yoa suhti marieina jiha tina, tiro mʉno, ã jichʉ to namono cʉ̃hʉ. à jipahta, ne ti basi bʉo tieraha tina.