Popular Bible Verses from Génesis 22

Share

à wahachʉ ñʉno, Abrahã to ã wahari cuhture õ sehe ni wamoaha: “Yawe mari cahmaare masi, quihõno wara marine” ni, wamoaha tí cuhture. à jia mipʉ macaina cʉ̃hʉ õ sehe nisinica: “Ahdʉ tʉ̃cʉ sohtoapʉ mari cahmaare masi, quihõno wara Yawe” nisinica.

To ã nichʉ tʉhoro, Cohamacʉ sehe tirore õ sehe ni yahuha: —Mʉ macʉ cʉ̃iro jiriro, Isaare, mʉ tuaro cahĩrirore naaga Moria yahpapʉ. Tópʉ tʉ̃cʉ, yʉ mʉhʉre ñohtʉ sohtoapʉ mʉ macʉre wajã, jʉ̃ wa mʉo, yʉhʉre ño payoga —niha.

à yoa Yawe õ sehe ni yʉhtiha tirore: —Ne ñano yoaecʉ tjiga tirore. Mipʉ pini masija cua pisaro mehne yʉhʉre mʉ ño payoare. Ne soro nieracʉhta, “Mʉ macʉ cʉ̃iro jirirore wajã, jʉ̃ wa mʉo, ño payoga yʉhʉre” yʉ mʉhʉre ni sinichʉ, “Ne yoasi” nierara mʉhʉ yʉhʉre —niha.

To ã nichʉ tʉhoro, tiro Abrahã sehe õ sehe ni yʉhtiha: —Cohamacʉ masinohca tiro ovejacã mʉnore mari wajã, jʉ̃ wa mʉohtirore. Tiro masinohca, macʉ —ni yʉhtiha to pʉcʉro. Tina pʉaro mʉjaarucusinia niha.

Mʉhʉre potocãta noano wahachʉ yoaihtja. Mʉhʉre ji nʉnʉ tihtina cʉ̃hʉre payʉ wahachʉ yoaihtja, ñahpichoha poca, mʉanopʉ jia poca yoaro sehe. Padʉro pjiri ma dʉhtʉ cahai jia pohca yoaro sehe payʉ wahaahca. Tuhsʉ, parore mʉhʉre yahu namoihtja: Mʉhʉre ji nʉnʉ tihtina sehe tinare ñʉ tuhtiina mehne ã cahma wajã yʉhdʉrʉcaina jirucuahca. Tuhsʉ, mʉhʉre ji nʉnʉ tihtina painapʉ cʉ̃hʉre, payʉ masare noano wahachʉ yoa turiahtina jiahca tina, jipihtina ahri yahpa masa curuaripe macainare. Mʉhʉ sehe yʉhʉre ne yʉhdʉrʉcaro marieno yʉ nino seheta yoahre. Ã jicʉ yʉhʉ mʉhʉre õ sehe ni yahuare yʉ nino seheta mʉhʉre potocã sohtori tiihtja —ni yahuha Yawe tirore.

Yoari baharopʉ Cohamacʉ Abrahãre, “¿Yʉhʉre quihõno wacũ tuajari ahriro?” ni masino taro, cʉ̃no mijono yoa dutiro taro niha. Ã jiro to wamapʉre pisuha: —Abrahã —niha. To ã ni pisuchʉ tʉhoro, —Õi jija —ni yʉhtiha tiro sehe.

To wajãno tachʉ waro, Yawe sehe mʉanopʉ tirore pisuroca boroha: —¡Abrahã! ¡Abrahã! —niha. Pʉa taha pisuha. To ã nichʉ tʉhoro, tiro sehe: —Õi jija —ni yʉhtiha.

à yoa tí cuhture to wamoari baharocãta, pari turi Yawe sehe Abrahãre mʉanopʉ yahuroca boroha tjoa. Õ sehe ni yahuha: —Yʉ yoa dutiare ne soro nieracʉhta, yoara mʉhʉ. “Mʉ macʉ cʉ̃iro jirirore wajã, jʉ̃ wa mʉo, ño payoga yʉhʉre” yʉ mʉhʉre ni sinichʉ, “Ne yoasi” nierara mʉhʉ yʉhʉre. à jicʉ yʉhʉ Yawe sehe mʉhʉre cua pisaro mehne yʉ yahuare potocã sohtori tiihtja.

à yoa tina, Cohamacʉ to yahu quihõdʉ sohtoapʉ mʉja sʉha jʉna. Mʉja sʉri baharo, Abrahã tãa mehne pari tuhu dahre mʉoha. Dahre mʉo tuhsʉ, to pichare cahno payoha. Cahno payo tuhsʉ, to macʉno Isaare dʉhteha. Tuhsʉ, tirore na mʉo, to tãa mehne dahre mʉori tuhu bui, picha to cahno payori tuhu buipʉ payoha to macʉnore.