Popular Bible Verses from Génesis 28

Share

à jicʉ mipʉre yʉhʉ sehe mʉhʉ mehne ã jirucuihtja. Nohoi mʉ waharoi mʉhʉre ñʉ wihboihtja. à yoa ahri yahpaihta mʉhʉre majare tjua tachʉ yoaihtja. Cohãno marieno mʉhʉ mehne ã jirucuihtja. Michapucacã yʉ mʉhʉre niriro seheta yoa, sohtori tiihtja —niha.

à yoa Yawe cʉ̃hʉre to cahai ducuchʉ, ñʉrucuro cahãha. To cahai ducuro, Cohamacʉ sehe õ sehe ni yahuha tirore: —Yʉhʉ jija Yawe. Mʉ ñʉchʉ cjiro Abrahã, ã jichʉ mʉ pʉcʉ Isaa cʉ̃hʉ ti ño payoriro, ti Cohamacʉ waro jija yʉhʉ. Mʉhʉre, ã jichʉ mʉ panamana ji turia dijahtina cjihtire ahri yahpa, mipʉ mʉ carĩ coãri yahpare waihtja.

à yoa Jacobo sehe tíre cahãriro cjiro wahcã wihiha jʉna. Wahcã wihi, õ sehe ni tʉhotuha: “Yawe õi jiri jira. Yʉhʉ sehe tíre ne masierahti” ni, tʉhotuha.

à yoa tói Jacobo sehe Cohamacʉ tirore to nirire wacũno, cua pisaro mehne õ sehe ni siniha: —Yʉhʉ sehe yʉ bachʉ cahapʉ tinii wahai nija. à jicʉ mʉhʉ sehe cahãnopʉre mʉhʉ yʉhʉre niriro seheta yʉhʉre piti ti, noano ñʉ wihboihca. Tuhsʉ, yʉ chʉhtire, yʉ sãahti suhtire mʉhʉ yʉhʉre waihca. à yoa yʉ pʉcʉ cahapʉ noariro yʉ majare tju sʉchʉ yoaihca mʉhʉ yʉhʉre. Mʉ ã yoachʉ, yʉhʉ cʉ̃hʉ mʉhʉre cua pisaro mehne “Mʉhʉ Yawe yʉ Cohamacʉ jira” niihca. Tuhsʉ, ahri cuhtu, tãcare yʉ na wahcõ dapori cuhtu, “Õ Cohamacʉ jiro jira” ni, yʉ quihõ cũri cuhtu sehe, yʉ mʉhʉre wacũ, wahchehti cuhtu cjihto jirohca. à yoa mʉhʉ yʉhʉre waapere, dohse jia paye barore, yʉhʉ cʉ̃hʉ típere mʉhʉre ño payoro mehne mahano, mahano wa mʉjaihtja —niha Jacobo Cohamacʉre.

Tina mʉ panamana ji turia dijahtina cjihti sehe dihta pohca yoaro sehe payʉ waro jiahca. Tina payʉ waro waha, sʉ̃ mʉja taro sehe, sʉ̃ sãano sehe, ã jichʉ pari taño sehe cʉ̃hʉre paró ji sahserʉcʉ sʉa wahaahca. Baharo mʉhʉre ji turia dijari curua mehne jipihtia masa curuari macainapʉ cʉ̃hʉre noano waha turiachʉ yoaihtja.

à yoa to carĩni cuhtu cahai cʉ̃ maca, Lus wama tiri maca jia tiha. Tí pjai Jacobo sehe tí maca wamare cohtotaha. à cohtotaro, “Betel” ni, wamoaha. (“Betel” niri wama, “Cohamacʉ ya wʉhʉ” niri wama jica hebreo masa ya dʉsero mehne)