Popular Bible Verses from Génesis 6

Share

Ti ã jia tichʉ ñʉno, tuaro bʉjʉa witiha Yawe. Masa to bajuamehnerina to yajeripohnare tuaro purĩchʉ yoaha.

Yawe to ñʉchʉ sehere, jipihtina masa ti ñaa jia tia yʉhdʉa wahaha. Tina tiro mehne ñano buhiri tichʉ yoaa macaare ã yoarucu, ñaa dihtare ã wacũrucuina baro jia tiha.

à jiparota, Noé sehere noano ñʉ ji coaha tiro.

Ahri Noé ya quiti jira. Cohamacʉ Noére to yahuare “Potocã jira” ni, yoarucuriro to jichʉ, tiro ñʉ ji coaha tirore. Tiro to catiri pjare tiro mehne macaina watoi tiro dihta Cohamacʉ cahmasãare yoa, jia tiha.

à jiro tiro õ sehe ni wacũha: “Ahrinare, masa yʉ bajuamehnemarinare, jipihtina wahiquina dohse jiinare, ã jichʉ wʉina cʉ̃hʉre wajã pahñoihtja. Jipihtinapʉ ahri yahpai jiina yariaahca. Yʉ bajuamehnerina yʉ yajeripohnare tuaro purĩchʉ yoara” ni, tʉhotuha tinare.

à yoa masa ahri yahpare jiina cjerocã mehne masa putia tiha. Ahri yahpare ji sahsea taa niha tina. à yoa tina masa pohna numia, nuhmiare Cohamacʉ yaina sehe noano ñʉ, ji coaha. Ti ñʉ ji coaro sehe tina, ti ñʉ ji coa numiare ñʉ, beseha. Bese, namo tiha. Ti ã yoachʉ ñʉno, tiro Yawe sehe õ sehe ni tʉhotuha: “Yʉhʉ mipʉre ahrina masare ã catirucuchʉ yoasi. Yʉ yoaro seheta jiina waro jierara. Wiho jiina jira. à jiro mipʉre ciento y veinte cʉhmari ti catihto tjuasininohca tinare” ni, tʉhotuha. à yoa tí pjare Cohamacʉ yaina sehe masa pohna numia, ti besea numia mehne ji, tina pohna tiha. Ti pohna sehe ñano mʉaina jiha. Tuhsʉ, tí pjapʉre ti tuaro durucu, wacũnohorina jiha. à yoa baharopʉ cʉ̃hʉre ãta jia tiha tina.

à yoa tiro Noé sehe Cohamacʉ to dutiro seheta yoaha.

à ñʉno, tiro Noére õ sehe niha: —Ahrina masare, ahri yahpapʉ jiinare wajã pahñoi tai nija, ahri yahpa ti cahmachea, ti cahma wajãa, ti ji sahsea wahachʉ yoari buhiri. Tuhsʉ, ahri yahpa cʉ̃hʉre jipihtiropʉre dojomehnei tai nija.

à jicʉ mʉhʉ yucʉri, noaa yucʉri mehne cʉ̃ria dohoria, pjiria yoaga. Tiare tuhsʉi, tia puhichapʉre tahtia poca dahrega. à yoa tuhsʉ, comape mehne tiare bihaga.

Tiro Cohamacʉ ñʉha tina jipihtina masa noaa jia tia sehere, ñaa mehne ti cohtota, jia tichʉ.

Mʉhʉ sehe wahiquina ahri yahpai jiinapere, mʉno, numinore dohoria puhichapʉ na sãaihca, mʉhʉ mehne ti yʉhdʉ witihto sehe.