Popular Bible Verses from Za 6

Share

Yeesu wusë bëkaambë : « Miinu limpa li luziingu. Wunë wun'kwisë ke miinu, wusë ntaatë nzalë kuve i wunë wun'ta maanë mu miinu wusë m'ba yi mpwiilë ko.

Mati Ciluunzi ci Nzaambi cyaawu cin'vaanaangë luziingu. Muutu naveekë wukeeli yi n'ciinzë ko. Maambu manë yilukaambë, maawu Ciluunzi i luziingu.

Salilaanu yaaku ti mu ndiiwu yim'bungënë, kasi mu ndiiwu yin'vaanë luziingu lu sakë yi sakë. Ndiiwu be yooyo, Mwaanë Muutu wuluvaanë yaawu, cibilë Nzaambi Taatë watuulë mu naandi ciliimbu ci lutumu lwaandi. »

Cibeeni, tala linë Tataami wun'toombë : bakë booso bëm'monë Mwaanë i bën'ta maanë mu naandi, bëbakë luziingu lu sakë yi sakë, i miinu yibëvulumunë mu cilumbu ci siitu. »

Yeesu wusë bëvutulilë : « Cisalu cinë Nzaambi kuzolisi mu beeno, mati luta maanë mu wunë naandi kufilë. »

Bakë booso banë Taatë wukum'paanë, bën'kwisë ke miinu i yisë m'bumë ko wunë wun'kwisë ke miinu.

Simu li Pyeelë wusë n'vutulilë : « A Fumu, ke nani beeso tufwenikini kweendë? Njeeyi ke yi mëbuungu më luziingu lu sakë yi sakë.

Miinu limpa li luziingu lyafuminë ku yilu, wunë wun'lya lyaawu, naandi wun'ziingë sakë yi sakë. Limpa yin'vaanë miinu, mati n'sunyaami, miinu yiwuvaanë bwiinji baatu bëtambulë luziingu. »

Muutu ve wum'podi kwiisë ke miinu ningë Taatë wo wukun'filë wusye n'natë kuve i miinu, yikun'vulumunë mu cilumbu ci siitu.

Cibilë limpa linë Nzaambi kun'vaanaangë mati lin'fuminaangë ku yilu i lyaawu lin'vaanaangë luziingu mu buloongo. »

Miinu limpa li luziingu.

Yeesu wusë boongë mëmpa i fë mbusë kutoondë Nzaambi, naandi wusë kabilë ke banë babë faawu. Naandi wubëvaanë yivaandi simbisi, bunë bwabë n'ciinzaawu. Bunë baawu bamani kulya yi kukutu, Yeesu wusë kaambë bilaanzi byaandi: « Noongaanu bitini byasyaalë mu kumaangë byaawu kubungënë. »

Bilaanzi bëvwiilë fë mwa mitakë taanu kaambofo yi samunu, bunë bamonë Yeesu wulëbelëmë yi bwaatu mu kulyaatë fë yilu masi i baawu bisë ba mu boomë. Kasi Yeesu wusë bëkaambë : « Awu miinu, kebaanu lulë ba mu boomë. »