Popular Bible Verses from Malëkë 7

Share

Cibilë, mu kati ku n'timë muutu, mwaawu mu n'fuminaangë simbalulu simbi, busafu, bwiifi, kuvoondë, kuvaalë, kutafë binganë, bubaalu, kupuutu, bulalawu, n'soci, kutubilë wayaaku simbi, lunaangu i buyimbu. Tudiifu tooso oto tum'basikilaangë mu muutu i twaawu oto twaawu tun'vangësyaangë muutu kukaambu kulyoomë. »

Cin'velë cikeeli ko cinë cin'fuminë ku ngaandë cin'kotë mu muutu, cikun'vangisi kukaambu kulyoomë. Kasi mo mëm'basikaangë mu muutu, maawu mëkun'vangisi kukaambu kulyoomë.

Yeesu kubëvutulilë : « Ezayi wubikë bunë bwaawu mu cibilë ciinu. A beeno bimpilë-mpiipi! Bësonikë : “Mboongu baatu ayi yikun'vumisilë mu bilili, kasi n'timë wuyakënë cinaanu yi miinu.

Mu buunë kwaandi baawu bëkun'cinzikilaangë mu tusaambulu twaawu, cibilë, mo bësinu mën'fuminë ke baatu kwaandi vwiili.” »

Yeesu wusë be tubooso : « Beeno lwavubikë lutumu lu Nzaambi mu kutatiminë mikaakë yi baatu. »