Popular Bible Verses from Romanɛ 4

Share

Gɛ kɛzã ana tsyɛ elo, ayɛkɛ aŋã asɛ kɛgɛ Owusoso Akaa atɔɖɔ akɔɛ bàba ɛlɛ mɛ, azamɔ ohumi atɔɖɔ nɛ tɛyɛyɛkɛŋã mɛ kɛlɛ aakpɛ Owusoso Akaa nɛinye nɛitití, gɛ ayɛkɛ aŋã piapii asɛ ohumi ɔlɛ Owusoso Akaa ahɔɛ sɛ abalà abhɛtɛ kɛgɛ atɔɖɔ asɛ ababhɛtɛɛ.

Asɛ kɛfɔ̀nɔ gɛ bafɔnɔ ɛlɛ elu asɛ, “Ɛbhɛtɛ wɔ sɛ tɛ odzi Akaa ɔkɔ ɛmadi gelee.” Yɛenu bɔlɔ Akaa nɛ Owusoso Akaa namɛ, anunɔ abha gɛ ayɛkɛ aŋã. Owusoso Akaa gɛ akɔ bekpu bamɛ ɛkpã, kɛlɛ ekulu bɔdɔ̃ gɛgɛ̀zã kuku ibeɛ amana otsiɛ.

Balɔkɔɛ akpɛ ahɔɛ akɔ butsi nɛ bɔlɔ ebui kpa ɛtakpu, pɔ Kitití ayɛ akɔ yɛalɔ nɛ bekpuɔ mɛ, sɛ tɛ balɔkɔ bɔlɔ asɛ bunu banɔ gbangbã.

Gɛ tɛtɔtɔɖɔ kɔɛ ɛlɛ gɛzɛba kɛlɛ mɛ tsyɛ elo, Abraham akpɛemi ayɛkɛ aŋã, kɛlɛ kɔ ɔsɛ ebedzi Akaa ɔkɔ amadi gelee, asɛ kitseɖeɛ gɛ betseɖe yɛasɛ, “Kana wɔeyi mɔmɔ alɛ abazãa.”

Kliso tɛtɔtɔɖɔ ɛlɛ de tɛyɛyɛkɛŋã mɛ, sɛ tɛ kidzi asɛ tibhui bhuibu gɛ badɛ mɛ alɔkɔ akɔ bagɛ benu Abraham yɛeyi alɛ pete, anɛ ɔkɔ banunɔ gɛ beshù ɔsha ete ko, pɔ ɔkɔ bagɛ bayɛkɛ aŋã asɛ Abraham ana. Gɛ yɛenu akaa akɔ bɔlɔ petee nɔ.

“Eyula akɔ bagɛ balɔkɔ balɛ ebui kpa etsyeɛ, bagɛ balɛ ebui kpa abha badã bɔdɔ̃. Beyula akɔ anyɛ gɛ yɛebui kpa shu Apaleteɛ ashɛnɛ ahɔɛ.

Kɛlɛ́ Kibuiɛ ɖɔ? “Abraham ayɛkɛ Owusoso Akaa nabha aŋã kɛlɛ kɔ ɔsɛ balɔkɔ ɛlɛ nɛishu asɛ kinu ibui gbangbã.”