Popular Bible Verses from Jâŋ 15

Share

Letsiŋé tÿó aa mèŋ, mbwó tÿǒ gwɔ́ gẅí. Nyìŋ gẅie à la nnɛ́ ná mèŋ, mèŋ n da nnɛ́ ná yé yɔ́ɔn, aa nyìŋ gẅie aa ńgÿo shúm mbòŋo tɛ’. Á nue pege lɔɔn tè gwɔ́, pi le tsɔ́ mmó gÿo.

Pi temté ná mèŋ, pá’ mèŋ n temté yɔ́ɔn ná pi! Apwó tÿǒ lɔɔn tè temte nà letsiŋé tÿó wɔ́, mbà à té ku’u lézém mentɔ̌ɔn wɔ́. Áa ndʉŋ ndʉŋ pá’ pi lɔɔn tè temte ná mèŋ wɔ́, pi le ku’u légÿo tsɔ́ mmó tà á poŋ wɔ́.

Pi lɔɔn ńda nnɛ́ ná mèŋ, ashwóŋè yɔ́ɔn gwɔ́ tsɛ̀ɛ ntʉ́m pi, pi lúɔ mmó gie pi kwǒŋ, mbà mé ge gÿo yɛ̌ mbwo pi.

Pi zɔ la tè tsɔ́’ɔ wɔ̀ɔn mɔ́, mèŋ n zɔ la tsɔ́’ɔ gẅí, ńtúmo gẅi ngie pi gʉa fa’a fà’ yɔ́ɔn. Ammó gie pi gÿǒ lá’a ńgwɔ́ pɔ́ wó, á le cʉa sẅɛɛ wɔ́. À cʉa pú’u, ńgwɔ́ gie pi lɔɔn ńdɔg lezíŋ sɔ́ɔn ńdúɔ pɔ́ kɔ́ mbwo Tá wɔ́, mbà à ge náa mbwo pi.

Atsɔ̌ nyìŋ tè gíŋe ńgẅiin nkwòŋe tà é tɔ́g ye nyìŋ gẅie à náa we le gwɔ́ nà twó pʉ̀a pie à kwoŋo wɔ́b gwɔ́.

Á gyá pwó tÿǒ gie à té ne ńzéme wɔ́, ńkɔ́’, ńtóo ná gie à ne ńzéme mentɔ̌ɔn, ńnyɛte ńkwɔ́gɔ wé wɛ̌, á cwoŋo ńzém mentɔ̌ɔn mboŋó.

*Lepʉ̌ sɔ́ɔn e sɔɔn: Pi kwoŋe pi né pi pá’ mèŋ n ka kwoŋo gẅi la.

Ammó gie á lɔɔn ńgwɔ́ á gÿo mé gu’te Tá wɔ̀ɔn, aa pá’ à lɔɔn ńgwɔ́ pi gÿo shúm mbòŋo tɛ’, ḿbiŋ ńgwɔ́ *ngàŋa kwò yɔ́ɔn.

Yěsô gíŋe ńgɔɔn ngie mèŋ n gee kwà’ letsiŋé tÿó. Tá wɔ̀ɔn gwɔ́ nyìŋ gẅie à fa’a mǒ.

Nyìŋ lɔɔn tè la nnɛ́ ná mèŋ wɔ́, á gwɔ́ pá’ pwó tÿǒ gẅie mé *kɔ̌’, ḿma’a nzèm nká’ á júm. Mé gÿo ḿbí ńtuɔ mmɔ̌g.

Mèŋ n gɔɔn yɔɔn nò mbwo pi légwɔ́ gie lekág gẅie aa tsɛ̀ɛ ntʉ́m mèŋ ge gíŋe gwɔ́ tsɛ̀ɛ ntʉ́m gẅí, pi gẅiin kwà’ lekág.

Pi lɔɔn ńkú’te mbʉ̌ mɔ́ɔn, mbà mèŋ n ge ne kwoŋo gẅi kwoŋ. Ndʉŋ ndʉŋ pá’ mèŋ n da kú’te mbʉ̌ Tá wɔ̀ɔn á piŋ ne ńkwoŋo wɔ̀ɔn kwoŋ.

Ammó gie n kě ńzɛ́te gẅí, á gwɔ́ pɔ́ ngie, pi gẅiin nkwòŋe pi né pi.

Pi kěen ńgwɔ́ pé’e ńgwɔ́ pʉ̀a njÿó, mbà njÿó kwoŋo gẅi tɛ’, á nue njÿó kwoŋo mmó gie áa yé. Tá’ pi ké tè pʉ̀a njÿó wɔ́, mèŋ n zɔ ka tsɔ́’ɔ gẅí, éfaga gẅi nà pʉ̀a njÿó. Áa mmó gie á gÿo njÿó pʉa gẅí.