Popular Bible Verses from Matio 28

Share

Pú’u la, pi gʉa ngwòŋo ngwòŋ, ńdɔg pʉ̀a mesoŋ ńgÿo *ngàŋa kwò yɔ́ɔn, ńnu’u wɔ́b ntse ná lezíŋ Tá, mbɔɔ Múɔ, mbɔɔ Zẅìge Ndʉalʉ̌a, ńzí’i wɔ́b létÿɔ́gɔ kwò ná menò ntsèm mie mèŋ n da zí’i gẅí. Pi zsé ngie, kwà’ mèŋ n ge lá’a gwɔ́ pɔ́ tsetsɛ̀ɛ pi tà njÿó lá’ ḿmag.

Yěsô tóo lejʉ́ŋ pɔ́b, ńgɔɔn né pɔ́b ngie: E Ssé leen ńná tʉ̀ ntsèm né mèŋ lélɔg sá’ shúm sie ée tÿǒ lepwó mbɔɔ sie ée ndùmo ssé tsetsá’.

Tá *cÿɔ́’ Ssé gɔɔn né pànzwě ngie: Tà pi pɔ́g, n zsě ngie pi tóo fa’ Yěsô gẅie mé ka kime yé ná tÿǒ kǐ la. À tè gíŋe ńgwɔ́ jʉ’ɔɔn wɔ́, à zimé nà legwé pá’ à la gɔɔn la. Pi tó ńdíe jʉ’ gie pfó yé kaa wó tá ńgyá.

Yěsô leen ńké ńgɔɔn né pɔ́b ngie: Tà pi pɔ́g. Pi gʉa ńtsẅi né mefɛ́ pɔ́ɔn, ńgie pɔ́ gʉa né Galilea, ńgie pɔ́ ge gyá wɔ̀ɔn pɔ́ wó.

*Mentándá pànùŋe pwɔ́’, tóŋ mekěme lá’, pâ pɔ̌ cú’te ńnéŋe ssé, ńkwaŋte, ńná ḿbwɔ́’ nkáb mbwó pàlÿɔ́’ ncù, ńgɔɔn né pɔ́b ngie: Pi gɔɔn pé ngie pi ně ne ńdyé letsẅɛ́’, *ngàŋa kwò Yěsô tó ńjʉʉ pfó yé ńdɔg ńgʉa. Ngúmnɔ́ɔn lɔɔn ńké ńjú’, mbà peg ge zsé nò gie peg ge shwóŋó yé, ḿbɔ́gɔ gẅi légyá ngɔ́’. Pàlÿɔ́’ ncù kẅé nkáb, ńgÿo pá’ mé tsẅǐ né pɔ́b. Áa yɛ̌ tá yɔɔn nò leen sá jʉ’, pà Yuda zsé yɔ́b pɔ́ yɛ̌ nò tà ńkú lyɛ̌’ɔɔn.