Popular Bible Verses from Zan 3

Share

«Ki 'nyaa duniya siɛnnɛ pe woli ni 'kpúʔɔ Kulocɛliɛ mɛ́ wè, fúɔ a Kulocɛliɛ wi 'wi Jaa nigbiiwe kɛn wè, gìi ki bé tí a siɛn ó siɛn 'tɛ́ngɛ wi nɛ̄ wè, siɛn wi woli ni fǎga cúʔɔʔ, siɛn wi- bànguɔ sìi taa wè.

Kiì nyaa majo Kulocɛliɛ wi 'wi Jaa tórigo wè náʔa duniya nī wè wi pa kàyuʔu juu duniya siɛnnɛ nɛ̄ bèle wīʔ, Kulocɛliɛ wi 'wi tórigo gìi ki bé tí duniya siɛnnɛ pe- suɔ wire kɛnmɛ nɛ̄ bè.

A Zezi wi 'wi yɛ: «M'bé ki juu muɔ mɛ́ kányiʔɛ nɛ̄, a siɛn sì koli nɛ̀ sii fɔnwɔ wèʔ, ki siɛn wiǐ gbɛ̀ jáa bè Kulocɛliɛ Kùlofɔligɔ nyaa gèʔ.»

A siɛn ŋíì 'tɛ́ngɛ wi nɛ̄ wè, Kulocɛliɛ wi nɛ̌ kàyuʔu juu wi nɛ̄ʔ. Nɛ̀ sí ki taa siɛn ŋíì wiì tɛ́ngɛʔ wi nɛ̄ wè, kàyuʔu ki 'tuu kire siɛn nɛ̄ wè nɛ̀ kúɔ wī, bɛ̀ ki 'nyaa wiì tɛ́ngɛ Kulocɛliɛ Jaa nigbiiwe wi míʔɛ nɛ̄ gèʔ.

«Kàyuʔu ki kɔri wire sí wī ŋàa wè: ki 'nyaa, kpìɛnmɛ pi 'pɛn duniya nī wè, a siɛnnɛ pe 'màʔa nɛ̀ yebilige woli yaʔa a ni 'kpúʔɔ pe mɛ́ nɛ̀ tóri kpìɛnmɛ nɛ̄ bè. Kire sí nyɛ́nì taa bɛ̀ pe kakpiʔiligele kiyē cúʔɔgɔlɔ gèle.

Wire wè, ki 'yɛli wire míʔɛ ki de yigi, dí mi wuʔu ki sí de tɔ́ngi.»

Ki 'nyaa siɛn ó siɛn wi nyɛ́ni kacuʔɔrɔ kpínʔini dè, kpìɛnmɛ pi nɛ̂ kire siɛn biɛn wè; wi nɛ̌ de báan kpìɛnmɛ mɛ́ bèʔ. Á kire 'laa wè, wire kakpiʔiligele ke bága yiri kpìɛnmɛ nɛ̄.

A siɛn ŋíì 'tɛ́ngɛ Jaafɔli nɛ̄ wè, wi 'bànguɔ sìi taa wè. A ŋìi sí cíi Jaafɔli nɛ̄ wè, kire siɛn wiǐ ga bànguɔ sìi taa wèʔ; Kulocɛliɛ funbiɛnrɛ tiī kire siɛn kúrugu wè.

«Nɛ̀ pínɛ kɛnmɛ bíì nɛ̄ Misa wi cé kányiɛrɛ wɔ̀bugɔ yɛ̀gɛ gè nɛ̀ yérige tiige nɛ̄ gè waama kùlo nī lè, kire kɛnmɛ pire nɛ̄ Siɛn Pùɔ wi 'yɛli bága yɛ̀gɛ bè yérige

Jaafɔli wi 'Tuufɔli dɛ́ni wè, a wi 'kele ke mìɛni le wi kiyɛ nī.