Popular Bible Verses from Luku 11

Share

A ki sí yē yeli bálì bīɛlɛ sìpiile bèle, yeli 'jáa bè gbɛ̀ yacɛ̀nrɛ kɛn yeli pìile mɛ́ bèle, yeli sì ki cɛ́n lé yeli Tuu ŋáà wī baa nyìʔɛnɛ nī lè, wi bé wi Pìle kɛn lè bìli mɛ́ pe wi náari bèle, bè tóri yeli kɛngɛnmɛ nɛ̄ bè ?»

«Kire nɛ̄ m'bé ki juu yeli mɛ́, yeri náari, yeli bé taa; yeri caa, yeli bé nyaa; yeri kɔ̀ri kóli gè, pe bé ki múgu yeli mɛ́.

Ki 'nyaa siɛn ó siɛn wi náari wi nɛ̂ taa, ŋìi wi caa wi nɛ̂ nyaa, a ŋìi nɛ kɔ̀ri kóli gè, pe nɛ̂ ki múgu wi mɛ́.

A wi 'pe yɛ: «A yeli je náari wè, ye jo: ‹Weli Tuu Kulocɛliɛ, siɛn ó siɛn 'yɛli bèri muɔ míʔɛ kpóri gè, muɔ wī Kulocɛliɛ wè. Muɔ Kùlofɔligɔ ki de báan !

Weli kapiʔile yaʔa gèle weli nɛ̄, majo mɛni weli míɛni bèle weli nɛ ki yɛri bìli nɛ̄ pe 'kapiʔile kpíʔile weli nɛ̄ bèle. Fǎga ki yaʔa weli tuu puuwelige nīʔ.› »

Cɛngɛ ó cɛngɛ mari weli siliire kanʔa dè weli mɛ́.

«Nyapigele keli gīɛlɛ siɛn cetinnɛ ni fètinnɛ lè. A muɔ nyapigele ke gbɛ́nɛ yē wiʔile gèle, muɔ cetinnɛ ni mìɛni ni nɛ̂ puu kpìɛnmɛ nī nɛ̀ pínɛ. A ke sí yē cúʔɔgɔlɔ gèle, muɔ cetinnɛ ni nɛ̂ puu yebilige nī.

«Siɛn nɛ̌ fètinnɛ mù lè níɛ̀ sɛ́nì ni làrigɛʔ, á kire 'laa bè ni tɛ́ngɛ yatɔngɔ láaraʔ. Pe sî fètinnɛ mù lè níɛ̀ ni taʔa fètindaʔaga naamɛ wī, gìi ki bé tí a bìli 'jíin peri nyaʔa fètinnɛ ni kpìɛnmɛ nɛ̄ bè.