Popular Bible Verses from Luku 18

Share

A Zezi wi 'kàsiile láà wáa nɛ̀ wi pìtɛnmɛnɛ kɛn bèle bè ki tìɛ dí siɛn 'yɛli bèri náari súuri sìnvurɔ nī, pe fǎa ga jo peli 'fùrɔʔ.

Kulocɛliɛ wire wè do, bàli wi 'nyíɛnɛ nɛ̀ kɔ̀n bèle, wiǐ ga tànʔa kɛn gè pe mɛ́ʔ lé, bà piyē nɛ kòkuʔulo wáari gèle wi kúrugu pìlige nɛ́ cɛnvugo wè ? Wi bé ki yaʔa ki mɔgɔ lé, wi fǎga pe sáʔaʔ fáarifaari lè ? M'bé ki juu yeli mɛ́, wi bé pe tànʔa kɛn gè pe mɛ́ fáarifaari. «A Siɛn Pùɔ wi kɛ́nì pɛn wè, wi bé pa tɛ́ngɛlɛ nyaa niri tíin bile duniya nī wè lé ?»

A Zezi wi 'jo: «Gìi ki 'siɛnnɛ jáa bèle, kiǐ gbɛ̀ Kulocɛliɛ jáaʔ.»

A ki 'tɔliyɔ nyuɔ kúɔ, kàyuʔujuufɔli wi nɛ̂ cíi. Nɛ̀ sí ki taa a wi kɛ́nì ki sɔ̀ngi nɛ́ jo: ‹A ki cɛ yē mi wè fìʔɛ́ʔ Kulocɛliɛ nɛ̄ wè, nɛ̀ pínɛ mi wè nɛ tɔ́riʔ nɛ́ siɛn ní wè, bà sí lakicuɔ ŋáà wiī nɛ báan nɛ mi fùrɔ́ nɛ́ wi siɛnrɛ ní dè, m'bé wi tànʔa kɛn gè wi mɛ́, wi fǎga kò de mi yiʔɛ gbɛ̀ngí gèʔ.› »

«M'bé ki juu yeli mɛ́ kányiʔɛ nɛ̄, a siɛn ŋíì sì fɔ̀liʔ Kulocɛliɛ Kùlofɔligɔ nɛ̄ gè bɛ̀ pùɔ tíɛlɛ wè, ki siɛn wiǐ ga tíi bé jíin baaʔ.»

A Zezi wi 'pìile yeri bèle nɛ̀ kpɔni wìi nɛ̄ nɛ́ fali nɛ̀ pìtɛnmɛnɛ yɛ bèle: «Ye- pìile yaʔa bèle peri báan mi mɛ́, ye fǎri pe cìráʔ. Nɛ̀ taʔa gíi nɛ̄, siɛnnɛ bílì kɛnmɛ bī bɛ̀ pe tíɛlɛ bèle, peli wuʔu gī Kulocɛliɛ Kùlofɔligɔ gè.

A Zezi wi 'wi yɛ: «Te nyaʔa sî, muɔ tɛ́ngɛlɛ ni 'muɔ puʔɔ.»

A Zezi wi 'wi yɛ: «Gáa nɛ̄ muɔ nɛ mi yeri tɛnmɛfɔli cɛ̀nwɛ ? Siɛn wè bile cɛ̀nwɛʔ nɛ̀ yiri Kulocɛliɛ nigbe nīʔ.