Popular Bible Verses from Luku 3

Share

Bà kùlo ni mìɛni ni 'puu nɛ báan nɛ batɛmi kpínʔini wè, a Zezi míɛni wi pɛ́nì wi batɛmi kpíʔile wè. Bà wi kɛ́ni náari wè, a nyìʔɛnɛ ni 'múgu. A Kulocɛliɛ Pìle ni 'tìgi nɛ ní bɛ̀ gòtolo tíɛlɛ, nɛ̀ pɛ́nì tɛ́ni wi nɛ̄. A pe 'yékpoli láà lúʔu baa nyìʔɛnɛ nī lè a siɛnrɛ ti 'jo: «Muɔ wī mi Jaa wè, ŋàa wi 'mi dɛ́ni wè. Mi nɛ fundaanra kpínʔini kpuʔɔ muɔ wori nɛ̄ dè.»

A Zan wi 'siɛnnugoro kɛn dè pe mìɛni mɛ́ nɛ́ pe yɛ: «Mi wè, luʔɔ batɛmi mi nɛ kpínʔini yeli nɛ̄; wàa sí yē nɛ báan baa, wi fànʔa ki 'tóri mi wuʔu nɛ̄ gè nɛ̀ fáala. Mi sì cɛ́nì nyuɔ nɛ̀ yɛliʔ bè wi tɔriyɔ màʔagɛlɛ sáʔala gèleʔ. Wire wè wi bága pa yeli batɛmi kpíʔile wè nɛ́ Kulocɛliɛ Pìle ní, nɛ́ kàsun ní.

Ye- sí de yasɛnrɛ sɛngi dàa ti béri ki tìí yeli nyɛ́nì yiʔɛ yeli funyɔ nī yè. Yé fǎga sí séli de ki sɔ̀ngí yeli funyɔ nī yèʔ bé jo: ‹Weli tuuliʔɛ gīBirayima wèʔ›. A kire 'laa m'bé ki juu yeli mɛ́ ye- ki cɛ́n, Kulocɛliɛ wi fànʔa yē bè gbɛ̀ sìndɛniyɛ nyáà yiʔɛ yè yi- kò pìile bè kɛn Birayima mɛ́ wè.

Nɛ̀ pínɛ kágbaʔa nyuɔ kiī kɛ́ngɛ nɛ̀ kúɔ tiiye nìre nɛ̄ dè. Tiige ó tiige ki wè nɛ yasɛnrɛ sɛngi cɛ̀nrɛ dèʔ, ki tiige ki bé ceri bè wáa kàsun nī wī.»

Kire siɛnrɛ tire ti 'juu nɛ̀ yɛli nɛ́ dàa baa Kulocɛliɛ siɛnjuuliɛwɛ Ezayi sɛbɛ nī wè, ti 'jo: Siɛn wáà yē nɛ yékpoli wáari baa waama kùlo nī lè, nɛ́ jo: «Ye- Kàfɔli wi koligo gbòbori gè, ye- wi kobigele kpíʔile gèle ke- sìɛn . A gòrigo yē tiʔɛ ó tiʔɛ nī, ki bé tɔ́n, nɛ̀ pínɛ nyaguruyo yi mìɛni yè nɛ́ nyagurupigele ní gèle, ti bé cɛrigɛ bè tìrige wī . Koliyo nyáà yī koliyo yè, yi bé kpíʔile bè sìɛn ; kojuʔɔyɔ yi bé gbòbori bè tɔ́nminɔ bè yɛli . Bɛ̀ siɛn ó siɛn bé suɔlɔ nyaa lè, Kulocɛliɛ woli lè.»