Popular Bible Verses from Luku 5

Share

Bà wi kɛ́nì juu nɛ̀ kúɔ wè, a wi 'Siimɔ yɛ wè: «-Kɔ́ri sìʔɛrɛ gè sícuumɔ tiʔɛ nī, yé jùɔlɔ wáa bèle ye fúɔlɔ pálì cò.»

A Siimɔ wi 'wi yɛ: «Tɛnmɛfɔli, weli 'cáan nɛ̀ fùrɔ pìlige ki mìɛni nī; weli sì yafiɛn taaʔ. Bɛ̀ sí muɔ 'ki juu wè, m'bé jùɔ wáa wè.» Bà pe 'jùɔlɔ wáa bèle, nɛ̀ fúɔlɔ cò nìʔɛbɛlɛ fúɔ a jùɔlɔ pe séli nɛ celile.

Nɛ̀ ki yaʔa Zezi wi nàa yigi pe táanni nɛ waa larigɛ nī baa siɛnnɛ wè yē wèʔ, nɛ waa nɛ Kulocɛliɛ náari wè.

Siɛnsinminɛ bɛ̀ʔ mi 'pɛn bè pa yériʔ; kapiigbiʔilile kɛnmɛ nɛ̄ mi 'pɛn, pe- pe funyɔ yiʔɛ yè.»

Bà Siimɔ Piɛri 'kire nyaa gè, a wi 'tìgi nɛ̀ káguro wáa Zezi yiʔɛ mɛ́ gè, nɛ́ fali nɛ̀ jo: «Kàfɔli, sìʔɛrɛ mi táanni, mi yē kapiibuuwo.»

A Zezi wi 'siɛnnugoro kɛn dè pe mɛ́ nɛ́ pe yɛ: «Siɛnwiile wè dùʔɔtɔriwɔ caaʔ; yaala pe sî nɛ wi caa.

A pe 'fali nɛ̀ kɔ́riyɔ píri yè nɛ̀ pɛn luʔɔ kanyuɔ mɛ́ gè, nɛ́ pe baakuɔyɛrɛ ti mìɛni yaʔa nɛ́ taʔa wi nɛ̄.

Làa nɛ̄ Zezi wi 'puu kàʔa káà nī. A yaanyiɛmɛfɔli wáà pɛ́nì yiri wi kúrugu, yaama pi cé wi céri ti mìɛni cò. A wi sɛ́nì tuu nɛ̀ cúbulo Zezi yiʔɛ mɛ́ gè nɛ́ jo: «Kàfɔli, a muɔ 'fɔ̀li, muɔ bé gbɛ̀ mi cìile.» A Zezi wi 'kɔli sáʔa gè nɛ̀ cò nɛ̀ taa nàguɔ nɛ̄ wè, nɛ́ jo: «Mi 'fɔ̀li ki nɛ̄, puʔɔ ma cìile.» A yaanyiɛmɛ pi 'fali nɛ̀ láʔa nàguɔ nɛ̄ wè sɛni.

Kire nɛ́ ki mìɛni ní Zezi míʔɛ ki ń'nɛ̀ koli nɛ yigi nɛ waa. A ki 'kò, siɛnnɛ pe báan nɛ gbunʔuni wi nɛ̄ nìʔɛbɛlɛ nɛ wi siɛnrɛ lúru dè, dí wi sí de pe yaala pori bèle.