Popular Bible Verses from Mariki 14

Share

Wi yé ki náari nɛ́ jo: «Tuufɔli Aba, muɔ fànʔa yē kele ke mìɛni nī, -wuʔɔgɔ gáà líili gè mi nɛ̄. Mi sí wè ki mɛ́ gìi mi nɛ caa gè, fúɔ macɛn gìi muɔ nɛ caa gè.»

Ye- kò nyɛminɛ yeri náari, gìi ki bé tí yeli fǎga tuu Setɛni puuwelige nī gèʔ. Siɛn pìle lire tɔ̀ni nɛ cɛ̀ngɛ sɔ̀ngí, céri fànʔa kire ki 'cɛ́ri.»

«M'bé ki juu yeli mɛ́ kányiʔɛ nɛ̄, a Kataanna Siɛnrɛ ti kâ sɛ́nì jáari tiʔɛ ó tiʔɛ nī duniya nī wè, cɛliwɛ ŋáà wi wori míɛni ti bé juu baa ki tiʔɛ nī gè, gàa wi 'kpíʔile gè; siɛnnɛ peri sɔ̀ngí de tari nɛ́ wi ní.»

A wi 'pe yɛ: «Laamɛ pi 'piɛn mi nī fúɔ nɛ waa bè mi kpúu. Ye- kò bile nyɛminɛ.»

Bà pe líi bèle, a wi 'fali nɛ̀ kɛ́nì búru líɛ wè, nɛ̀ barigɛ kɛn Kulocɛliɛ mɛ́, nɛ́ wi kúnminɔ nɛ̀ kɛn pìtɛnmɛnɛ mɛ́ bèle, nɛ́ pe yɛ: «Ye- suɔ, mi céri tire dī dàa dè.»

Nɛ́ fali nɛ̀ diviɛn yagbuɔlɔ líɛ lè, nɛ̀ Kulocɛliɛ síɛri, nɛ́ pe kɛn a pe 'gbuɔ nɛ̀ tóri pe mìɛni bèle. Á wi 'fali nɛ̀ pe yɛ: «Mi sìsiɛn kire gī, Kulocɛliɛ nyakungɛngɛ sìsiɛn gè. Ki bé wo siɛnniʔɛnɛ kɛnmɛ nɛ̄.

A Zezi wi kɛ́nì pe yɛ: «Yeli ye mìɛni bága fɛ̀ bé mi wáa, nɛ̀ taʔa gíi nɛ̄, Kulocɛliɛ siɛnsɛbɛrɛ ti 'jo: M'bága sìnbanaʔawa kpúu wè; sìnbaara ti bé sí fɛ̀ bè curugo bè màʔa .

Ye- yɛ̀ we- kɛ́, ŋàa wi je mi le mi leguulo kiyɛ nī yè n'ŋɛ, wi 'nɔ̀ nɛ̀ kúɔ we nɛ̄.»

A Zezi 'fali nɛ̀ wi yɛ: «M'bé ki juu muɔ mɛ́ kányiʔɛ nɛ̄, pàngɛ pìlige gáà nī gè, sɛ́nì gòpɔli wi- nyɛni tɔliyɔ siin yè, muɔ bé ti kìɛ bè taa tɔliyɔ taanri bé jo muɔ sì mi cɛ́nʔ.»