Popular Bible Verses from Mariki 16

Share

A wi 'fali nɛ̀ ní nɛ̀ pe yɛ: «Yeri waa duniya tiɛrɛ ti mìɛni nī, ye sari Kataanna Siɛnrɛ jáari dè siɛnnɛ pe mìɛni mɛ́.

Bìli pe 'tɛ́ngɛ bèle, fìɛlɛ bálì m'bɛlɛ bìli pe bé puu pe kúrugu de ki tìí gè: mi míʔɛ fànʔa nɛ̄ gè, pe béri gbòdolilo cìrá de yigi siɛnnɛ nī, bèri siɛnrɛ táà nyu siɛnfɔnrɔ; a ki cɛ́nì nyaa pe 'wɔ̀bugɔ cò nɛ́ pe kiyɛ ní yè yo, a pe cɛ́nì yakaa gbuɔ gìi ki bé gbɛ̀ siɛn kpúu yo, kiǐ yafiɛn kpíʔile pe nɛ̄ʔ. Pe béri kiyɛ taʔala yaala nɛ̄ peri pori.»

A siɛn ŋíì 'tɛ́ngɛ nɛ́ wi batɛmi kpíʔile wè, ki siɛn wi bé suɔ, a ŋìi sì sí tɛ́ngɛʔ, kàyuʔu báa tuu kire siɛn nɛ̄ wè Kulocɛliɛ tiʔɛ nī.

A pìtɛnmɛnɛ pe 'láʔa nɛ̀ kɛ́, nɛ̀ sɛ́ni Kataanna Siɛnrɛ jáari dè nɛ mári tiɛrɛ ti mìɛni nī, we Kàfɔli ní wè nɛ pe sári baara nɛ̄ dè, nɛ kanyuʔɔnigɔlɔ kpínʔini nɛ ki tìí pe siɛnrɛ tiī kányiʔɛ.]

A nàgapunwɔ wi 'fali nɛ̀ pe yɛ: «Ye fǎri fìʔɛ́ʔ, Nazarɛti kàʔa Zezi ŋáà pe 'kóri tiiparigɛ nɛ̄ gè, wire bɛ̀ʔ lé yeli nɛ caa ? Wi wè náʔaʔ, wi 'koli nɛ̀ nyɛ́ nɛ̀ yiri. Ye- nyaa tiʔɛ gíì nī pe cé wi sínge wè.

Pe kɛ́nì je wéli bèle, nɛ̀ sìndɛnigɛ nyaa gè baa láʔaga nyɛgɛ ki wìile nɛ̄ lè. Sìndɛnigɛ ki tɔ̀ni nɛ̀ puu kpuʔɔ. A pe sɛ́nì jíin nyɛgɛ nī gè, nɛ̀ nàgapunyɛliwɛ wáà nyaa baa tɛ́niwɛ pe kàliige mɛ́ gè, buruviige ní. A fíɛrɛ 'pe cò kpuʔɔ.