Popular Bible Verses from Yoh 15

Share

Niinye muzaabibu, imwe muri amataagi. Weena oguma omuriinye, naanye nkaguma omuriwe, ayana ebijuma bingi; manya nyowe ahi ntari, timwine ki murikubaasa kukora.

Mugume omuriinye, naanye ngume omuriimwe. Nk'oku eitaagi ritabaasa kwana ryonka, ritagumire ha muti, naimwe nikwo mutarikubaasa, mwaba mutagumire muriinye.

Ku murikuguma omuriinye, n'ebigambo byangye byaguma omuriimwe, mushabe eki murikwenda kyona, haza muryakiheebwa.

Tiimwe mwantooraine, kureka niinye naabatooraine; nkabataho ngu mugyende mwane ebijuma, kandi ngu ebyo bijuma bigumeho, Taata abone kubaha kyona eki murishaba omu iziina ryangye.

Tihariho ogira rukundo erikukira ey'omuntu kuhayo amagara ge ahabwa banywani be.

Eitaagi ryona eriri omuriinye eritarikwana, aritemaho; kandi eitaagi eririkwana, arisharira, ngu ryane ebijuma bingi okukiraho.

Eki nikyo kiragiro kyangye: mukundane nk'oku naabakunzire.

Ekihimbisisa Taata, niimwe okwana ebijuma bingi, mukahamya ku muri abatendekwa bangye.

Niinye muzaabibu gw'amazima, na Taata niwe muhingi waagwo.

Weena otaguma muriinye, anagwa nk'eitaagi eritemirwe aha muti, kandi ayoma. Amataagi nk'ago gashanguruzibwa, ganagwa omu muriro, gasya.

Ebyo naabibagambira, ngu okushemererwa kwangye kube omuriimwe, kandi n'okwanyu kwijurire kimwe.

Ku murikuratira ebiragiro byangye, muryaguma omuri rukundo yangye, nkaanye oku naakuratiire ebiragiro bya Taata, nkaguma omuri rukundo ye.

Eki ndikubaragiira n'eki: mugume mukundane.

Kuri muri ab'ensi, ensi ekaabakunzire ahabw'okuba abaayo; kwonka imwe ahabw'okutaba baayo, n'ahabw'okuba naabatooraine nkagibaihamu, nikyo egyo nsi erikubangira.