Popular Bible Verses from Yoh 21

Share

Ku baaherize kurya eky'akasheeshe, Yesu yaabuuza Simooni Petero ati: Simooni mwene Yohaana, nonkunda okukira aba? Amugarukamu ati: Eego, Mukama wangye; noomanya ku ndikukukunda. Yesu amugira ati: Riisa abaana b'entaama bangye. Ayongyera amubuuza omurundi gwa kabiri ati: Simooni mwene Yohaana, nonkunda? Onu amugarukamu ati: Eego, Mukama wangye; noomanya ku ndikukukunda. Yesu amugira ati: Reeberera entaama zangye. Bwanyima amubuuza omurundi gwa kashatu ati: Simooni mwene Yohaana, nonkunda? Petero kimusaasa ahabw'okumubuuza omurundi gwa kashatu ati Nonkunda? Amugira ati: Mukama wangye, noomanya byona; noomanya ku ndikukukunda. Yesu amugira ati: Riisa entaama zangye.

Buzimazima ninkugambira nti: Obu waabaire ori omutsigazi, okaba oyezirika, oza ei orikwenda; kwonka ku oriba omugurusi, oryagorora emikono, ondi akuzirikye, akutware ei otarikwenda.

Abagira ati: Mutambikye akatimba aha rubaju rwa buryo rw'obwato, nimwija kugira eki mwakwatsa. Batyo bakatambika, kandi ahabw'ebyenyanja kuba bingi, baremwa kukakiriza kukata omu bwato.

Simooni Petero yaabagira ati: Ninza kujuba. Bamugarukamu bati: Naitwe ka tugyende naiwe. Batyo bagyenda, baza omu bwato, kwonka ekyo kiro tibagira ki baakwatsa.