Popular Bible Verses from 1 Abhakörintö 13

Share

Ömöntö uwa righonshe, nköghömërrya arë amangʼana, nkösërëënia arë abhantö, takobha na rikenge hë, takwihasha handë ukwiheema hë. Ömöntö uwa righonshe, taana ekemoghoro hë, takwitegherra na ukutuna amangʼana aghaaye agheene igho hë, takorerra bhöngö hë, handë okobheeka mo-nkoro iyaaye amangʼana amaghogho ghano abhantö bhakomokorra.

Ömöntö uwa righonshe, nköghömërrya arë ghonswe igho, naana umukumo nkaagha syonswe igho, naana ubhweseghe ko-ghonswe igho, m-mötërëmu uwa ghonswe igho.

Ömöntö uwa righonshe, obhoghogho tibhukumushomera hë, kasi obhoheene mbo akushomerwa nabho.

Mbe, amangʼana ghano ghaimërëëyë bhoono igho, na-tatö, umukumo, ubhweseghe na righonshe. Ko amangʼana atatö ghayö, ekenene ni-righonshe.

Righonshe terekotemboka hë. Kasi hano oraanyoore öbhörööti bhooho, nkusika bhörë, hano oraanyoore ebheghambo ebhehya bheeho, nkusika bhërë, hano oraanyoore obhomanyi ubhwa amangʼana bhooho, nkusika bhörë.

Nenkaghamba ko-bheghambo ibhya abhantö, handë ibhya abhamaraika, kasi hano ntaana righonshe, m-bosa, obhoghambi ubhwane bhuyö, n-kituri kya bhosa igho, tebhoona moremo hë.

Ghwiki nekaabha na obhotoro ubhwa ukuruusya öbhörööti, kora mmanye imbumbure na amangʼana ghonswe igho, nenkaabha na umukumo omonene, ughwa okotora okongʼaanya singuku, kasi nyoore ntaana righonshe, m-bosa.

Ghwiki kora nenkaghegha ëbhëntö ibhyane nhaane abhatöbhu, handë niiruusi öni umwene nsambwe mo-morro, kasi nyoore ntaana righonshe, m-bosa.

Hano naarë omoona moke, ukushumaasha ukwane n-kwa ikyana kwaarë, na-mangʼana agha ikyana ngo naamanyirë, amaitegherro aghaane n-ga ikyana ghaarë, kasi bhoono nabhaayë ömöntö mökörö, natighirë amangʼana agha ikyana.