Popular Bible Verses from 1 Abhakörintö 6

Share

Kasi, temomanyirë igha, ëmëbhërë ighyënyu ngyo inyumba iya Waryobha, mono amënyirë Umwika Ömöhörëëru ono mwaahaanwa na Waryobha? Tëghërëngë ighyënyu hë, ko bhoora mmwaghörrwë öbhöghöri obhonene. Ku bhuyö ni-igha mötööninga Waryobha okohetera kö-mëbhërë ighyënyu ghiyö.

Kasi, motamanyirë igha abhaköri abha amangʼana amaghogho, tebharerya umwandö ughwa Obhokama ubhwa Waryobha hë? Motakaingʼaina, abhasooraare, handë bhano bhakosengerra ëbhëtöndö, abha sintwara, abhashaasha bhano bhakuturamya abhashaasha bharikyabho, abhaibhi, abha oronamba, abharëëbhi, abha amatöki, na abhasaki, tebharerya umwandö ughwa Obhokama ubhwa Waryobha hë.

Ku bhuyö ni-igha mongʼose obhosooraare. Ëbhëbhë ibhyëndë bhyonswe igho bheno ömöntö akokora, n-kebhara iya ömöbhërë ughwaye bhërë, kasi ömöntö ono akokora obhosooraare, uyö nö-möbhërë ughwaye umwene akokorra obhosarya.

Abhantö abhandë bharaghamba igha, “Ëbhëntö bhyonswe igho m-buuya bhërë ku-öni,” kasi öni ndaghamba igha, te-bhyonswe igho bheena ehoorohooro hë. Ghwiki nkoghamba bharë igha, “Ëbhëntö bhyonswe igho m-buuya bhërë ku-öni,” kasi öni tentore okobha omoghorwa uwa ëkëntö kyokyonswe igho hë.

Waryobha narituryökya ko obhotoro ubhwaye kya bhono yaaryökëri Omonene Yëësu Kiristo ukurwa mo-bhaku.